Laerskool Aliwal-Noord se krieketspanne het Dinsdag, 21 Oktober, teen Laerskool Burgersdorp te staan gekom in ’n reeks opwindende wedstryde. Die dag is gekenmerk deur goeie sportmangees, sterk spanwerk en uitstekende spel van beide skole.

In die o.7-wedstryd het Aliwal-Noord dapper baklei, maar Burgersdorp het met 12 lopies die oorwinning behaal. Die o.9-span van Aliwal-Noord het egter vir feesvieringe gesorg toe hulle met 10 lopies geseëvier het ná ’n indrukwekkende spanpoging. Die o.11-span het hard geveg,maar kon nie Burgersdorp se sterk kolfwerk keer nie en het met 55 lopies verloor.

In die o.13-wedstryd het Burgersdorp hul ervaring gebruik om met 6 paaltjies te wen, al het Aliwal-Noord se boulers goeie weerstand gebied.Alhoewel die uitslae gemeng was, kan Laerskool Aliwal-Noord trots wees op hul spelers se deursettingsvermoë, sportmangees en liefde vir die spel. Dit was ’n dag vol leergeleenthede en trots vir albei skole.