OHS tennis was die naweek van 16 – 20 Feb. 2022 getoets tot die uiterste. Met bloedige temperature en uitdagende omstandighede het die eerstespan seuns in Stellenbosch aan die Zest Fruit Gerrie Berner-toernooi deelgeneem. Die tweedespan seuns en eerstespan meisies het aan die Tjaart Vorster-toernooi in Cradock deelgeneem. Die Gerrie Berner-toernooi word deur Paul Roos aangebied en word gesien as een van die sterkste skoletennis-toernooie in die land. Deelnemers sluit in Paul Roos, Affies, Waterkloof, Paarl Boishaai, Grey College, Saints, KES, Oakdale, Kearsney, Clifton, Stellenbosch Hoërskool en Hoërskool Outeniqua.

Gerrie Berner Toernooi

In die rondtomtalie-gedeelte het die Kwaggas teen Paarl Boishaai verloor 7-0, Clifton gewen 6-1, Grey College verloor 4-3, Saints gewen 5-2 en teen Stellenbosch Hoërskool gewen 7-0. Dit maak dat ons derde in ons groep geëindig het en dat ons moes uitspeel vir posisies 5-8. Ons het eerste teen KES gespeel en hulle gewen. Ons laaste wedstryde was teen Affies. Dit het soos ‘n herhaling van die toernooi in 2021 gevoel, maar hierdie keer klop ons hulle met 4-3 en eindig vyfde in die toernooi. Baie geluk aan die seuns met hulle prestasie.

By die Tjaart Vorster-tennistoernooi wat jaarliks in Cradock deur Marlow aangebied word, het ons seuns uitstekend gevaar.  Hulle wen teen Sentraal, Cradock Hoërskool en Oakdale. Dit plaas hulle eerste in hulle groep. In die kwartuitrondte het hulle vir Marlow gewen. Ongelukkig het hulle teen Paarl Boishaai verloor en speel toe vir possisies 3-4 uit. Hulle het vir Merriefield geklop en derde in die toernooi geëindig.

Cradock seuns

Die Meisies het ook, onder omstandighede, goed gedoen. Hulle verloor teen Voortrekker, wen vir Merriefield, wen teen Framesby en verloor teen Oranje.  Hulle het uit vir posisies 5-6 uitgespeel en verloor ongelukkig teen Cradock Hoërskool. Dit plaas hulle sesde in die toernooi.