Vanaf 21 tot 23 Maart het sewe van die Ermelo Hoërskool se atlete aan die SA Atletiek Kampioenskap deelgeneem te Pilditch stadium in Pretoria.

EHS vaar uitmuntend tydens die kampioenskap en eindig met die volgende uitslae:

• Kryn Romijn (o.18 seuns) behaal ’n eerste plek in die 400m met ’n tyd van 46,45 sekondes.
• Mia Davel (o.20 dogters) eindig tweede in hoogspring met ’n hoogte van 1,73 meter.

Die volgende atlete neem aan die finale deel van hul onderskeie items:

Tyrone Berning (o.20 seuns) spring ’n hoogte van 2 meter en eindig negende in hoogspring.

Mnqobi Mabusa (o.16 seuns) eindig negende in 1500m in 4:20,27 sekondes.

Aletha Kloppers (o.16 dogters) behaal ’n sewentiende plek in die 3000m met ’n tyd van 11:06,97 sekondes.

Tydens die uitdunrondes het die volgende atlete ook presteer:

• Eizma Swart (o.18 dogters) eindig sestiende in gewigstoot met ’n afstand van 12,25 meter.
• Luan Greyling (o.18 seuns) behaal ’n vierde plek in sy 800 meter uitdunne met ’n tyd van 1:57,94 sekondes.
• Tyrone Berning (o.20 seuns ) hardloop die 400 meter hekkies in 54,07 sekondes en eindig vierde.

Baie geluk aan elke atleet met besondere uitslae op nasionale vlak. EHS is voorwaar trots op elkeen!

Mia Davel en Kryn Romijn spog met hul medaljes.

Foto’s: @HiltonKotzePhotography