Die o.19 A-tennisspan van Paul Roos Gimnasium  is weer as die kampioen in Bloemfontein gekroon nadat die span Paarl Boishaai (HJS) in die finaal 4 – 0 geklop het.

Die Grey College Tennistoernooi is ‘n baie belangrike toernooi op die jaarlikse skooltenniskalender en het vanjaar vir die 21ste keer plaasgevind.

Die PRG-span het die belangrike dubbelspunt gewen en daarna het Willem de Waal, Pieter Kotze en Xander Pienaar hulle enkelswedstryde in skoon stelle gewen.

Die PRG-wensspan was: Willem de Waal, Pieter Kotze, Xander Pienaar, Hanno Bouwer, Simeon Roothman, Sebastian Oosthuizen en Luke Verwey.

Die finale uitslag na die toernooi is soos volg: Op die  foto van links Swannie Swanepoel (Afrigter), Willem de Waal, Pieter Kotze, Hanno Bouwer, Xander Pienaar, Sebastian Oosthuizen, Luke Verwey en Simeon Roothman.Welgedaan, Paul Roos-tennis!

1. Paul Roos Gimnasium
2. ⁠Paarl Boishaai (HJS)
3. ⁠St. Stithians
4. ⁠Grey College
5. ⁠Affies
6. ⁠Waterkloof
7. ⁠Kearsney College
8. ⁠Outeniqua HS