Dit was ‘n rekordjaar vir Parel Vallei in soveel opsigte. Tydens die Boland Atletiekkampioenskap het 25 atlete aan 40 items deelgeneem en 19 medaljes gewen. By die Wes-Kaap Atletiekkampioenskap, het 14 atlete aan 22 items deelgeneem en 12 medaljes gewen.

Elf Parel Vallei atlete is hierdie jaar gekies om Boland, Westelike Provinsie en die Wes-Kaap by die ASA- en SASA Suid-Afrikaanse Atletiekkampioenskap te verteenwoordig. Jamial Johnson het ‘n silwer medalje gewen in die seuns o.15 1500m hindernis tydens die skole se Suid-Afrikaanse kampioenskap en ‘n brons medalje vir die seuns o.16 1500m hindernis tydens die ASA SA Kampioenskap.