Opgewondenheid bou op vir die Bekendstelling van die nuutbenoemde Wildeklawer Laerskole T20, Aangebied deur Laerskool Staats en St Patrick’s CBC.
Ons is verheug om aan te kondig dat Wildeklawer as hoofborg aangesluit het vir hierdie gesogte jeugkriekettoernooi, met bykomende ondersteuning van ons gewaardeerde borge, Point S en NTLO Embroidery. Hierdie jaar merk ‘n historiese mylpaal, aangesien Laerskool Staats en St Patrick’s CBC kragte saamgesnoer het om aan te bied, wat beloof om die grootste en mees inklusiewe laerskole toernooi tot op hede te wees. Vir die eerste keer sal die toernooi beide insluit:

Die O/13 Seuns T20 Liga (bestuur deur Laerskool Staats), en
Die O/13 Dogters T10 Liga (bestuur deur St Patrick’s CBC).

Die toevoeging van die meisiesliga is ’n betekenisvolle stap vir gelyke geleenthede en inklusiwiteit in skoolkrieket, en skep ’n platform waar jong krieketspelers, beide seuns en dogters, hul talente ten toon kan stel. DEELNEMENDE SKOLE 2025’n Opwindende groep van ongeveer 26 spanne van regoor die Noord-Kaap sal aan vanjaar se toernooi deelneem, wat ’n wye verskeidenheid skole en ontwikkelingspanne verteenwoordig:

• Laerskool Staats
• St Patrick’s CBC
• Laerskool Seodin
• Newton Laerskool
• Hoërskool Douglas
• Kimberley Junior School
• Vooruitsig/West End Laerskool
• Kimberley Islamic School
• Laerskool Eureka
• Laerskool Kathu
• Laerskool Oranje Noord
• Laerskool Jacobsdal
• Op Die Voorpos
• HC Rose Ontwikkelingspan
• Yorkshire Ontwikkelingspan
• Frank Roro Ontwikkelingspan
• Hoërskool Hopetown

OPENINGSEREMONIE
Die amptelike openingsgeleentheid sal plaasvind op:

• Donderdag, 18 September 2025
• Tyd: 17:00
• Plek: Staats Laerskool Rugbyveld

Toegang tot die openingsgeleentheid is gratis, en die publiek word hartlik uitgenooi om saam met ons hierdie spesiale geleentheid te vier. Die hoogtepunt van die openingsgeleentheid sal die parade van al die deelnemende spanne wees, wat trots die veld sal betree in hul volledige speeldrag, ’n oomblik van trots en erkenning vir elke leerder wat hul skool verteenwoordig. Hierdie tradisie dien ook as ’n inspirasie vir jonger krieketspelers, iets waarna hulle kan uitsien wanneer hulle, hul Graad 7-jaar nader.
Om 18:00 sal die openingswedstryd plaasvind tussen Staats se O/13 Dogterspan en St Patrick’s CBC se O/13 Dogterspan, wat die toernooi amptelik open. Hierdie wedstryd is die begin van ‘n opwindende openingsnaweek, waartydens alle deelnemende spanne hul toernooi-veldtog sal afskop.
Die halfeindstryde en eindstryde van beide die seuns- en dogterstoernooie sal op 7 en 8 November 2025 plaasvind, wat die kompetisie tot ’n opwindende hoogtepunt sal bring.
Die Wildeklawer Laerskole T20 verteenwoordig meer as net krieket, dit fokus op groei, geleenthede en inklusiwiteit. Met die gesamentlike pogings van Laerskool Staats, St Patrick’s CBC, ons hoofborg Wildeklawer, en ondersteunende borge Point S en NTLO Embroidery, beloof hierdie toernooi om ’n bakengeleentheid vir skoolkrieket in die Noord-Kaap te wees.