Lees die spesiale uitgawe vir die Classic Clash tussen Hoër Landbouskool Oakdale en Hoër Landbouskool Boland hier. Dis propvol spanfotos, onderhoude en al die aksie hier.

AWSUM het die geleentheid gehad om met Pieter Bergh Eerstespan Rugbykaptein van Hoër Landbouskool Boland te praat oor hul voorbereiding, sterkpunte en vooruitsigte vir die seisoen..

Watter spesifieke sterkpunte glo jy dat hierdie jaar se span het wat julle van die opposisie sal onderskei?  Ons span het ‘n baie konneksie met mekaar.  Ons het die vermoë om nooit op te hou gee nie en om iets uit niks te maak.

Hoe voel dit om jou skool se eerstespan te lei en waarop sal jy as leier fokus? Dis ‘n groot eer en dit beteken baie vir my aangesien dit ‘n droom van my was toe ek nog klein was.  Ek sal fokus daarop om die span se koppe reg te hou, hulle te motiveer en die regte besluite te neem.

 Watter tradisies of waardes maak jou skool se rugbykultuur uniek? Ek sal sê die tradisie dat die hele skool Vrydagaand voor die rugby by sing songs moet wees en moet inbly is beslis iets wat ons uniek maak.  Die voorreg om die Swart trui oor jou kop te kan trek en te kan speel vir Boland Landbou waar jy nie net jouself verteenwoordig nie maar ook elke ou op die pawiljoen asook vir elke old boy van die afgelope 63jaar is iets wat mens nooit sal kan beskryf nie.

 Watter doelwitte het julle as span vir die seisoen gestel? Ons wil die Swart trui op ‘n beter plek los en sal definitief hierdie jaar interskole wil vat.

Watter opkomende wedstryde of toernooi sien julle die meeste na uit? Dit sal definitief Interskole op Riversdal wees 9 Augustus.  Dis iets waarna die hele skole elke jaar die meeste uitsien.

Is daar ‘n professionele rugbyspeler na wie jy opkyk, en hoekom? Verseker Handré Pollard, die manier hoe hy speel, hoe hy lei op die veld en kalm hy bly in druk situasies is iets waarna ek opkyk en bewonder.

Pieter Bergh

Ons het ook met die afrigter van dié span, (Christoff Lötter) gesels:

Wat kan die skool en ouers hierdie Interskole van julle span verwag? ‘n Vertoning om op trots te wees.

Hoe berei julle span in die week tot aanloop van Interskole voor? (physically and mentally)? Ons besef die erns van die wedstryd, maar ons sal nie buitengewoon ander dinge doen in aanloop tot Interskole nie.

Waar sou jy sê lê julle krag hierdie jaar? Ons is saam deur diep waters vanjaar, maar het ook briljante oomblikke beleef en hieruit put ons baie krag en weet dat ons ten spyte van baie doemprofete kwaliteit rugby kan speel !

Wie het die grootste invloed op jou as afrigter in jou lewe al gehad? Is daar iemand na wie jy opkyk? By dr. Gerrit Pool het ek baie oor rugby geleer – het o.a. ‘n seisoen in Italië saammet het hom afgerig !  Hy was ook my afrigter by Maties en Griekwas.  Hawies Fourie is ook ‘n mentor van my !

Watter boodskap dra jy aan jou span oor net voor hulle op die baan/veld hardloop? Jy moet jou spanmaats na die tyd in die oë kan kyk en vir jouself “‘n klop op die skouer” kan gee !!