Ligbron Akademie vir Tegnologie se eerste seunshokkiespan, wat vir die afgelope paar jaar deur Mnr Vusi Nkosi afgerig word, is midde in nog ‘n suksesvolle seisoen. Op die SA School Sports webwerf was die span op 13 Mei 33ste op die ranglys van 126 eerste seunshokkiespanne landswyd. Sover hierdie seisoen, met sewe ligawestryde agter die rug, is hul onoorwonne. Die span met agt nuwelinge, word aangevoer deur drie ervare spelers Ameen Tikly, Ruben Kruger en Jakus Olivier. Hul ligawedstryd uitslae lyk soos volg:

• Hoërskool Ermelo: 7 – 0
• Hoërskool Piet Retief: 5 – 2
• Hoërskool Standerton: 6 – 0
• Hoërskool Volksrust: 12 – 0
• Hoërskool Secunda: 7 – 0
• Highveld Park: 11 – 0
• Hoërskool Oosterland: 2 – 1

Die span het ook in hul voorseisoen verskeie vriendskaplike wedstryde gewen. As deel van hul voorbereiding het hulle tydens die April vakansie deelgeneem aan ‘n hokkietoernooi op Tzaneen wat deur Merensky Landbou Akademie aangebied is. Tydens die toernooi het hulle vier van hul vyf wedstryde gewen. In hul wedstryd teen die gasheerskool het hulle gelykop geëindig. Ligbron is trots op hierdie span wat die skool se naam hoog hou.

Ligbron 1ste hokkiespan