Laerskool Tzaneen bruis van trots terwyl verskeie van sy jong rugbyspelers hierdie week die veld betree om Limpopo tydens provinsiale oefenkampe en toernooie te verteenwoordig.

Altesaam 11 leerders van die skool is gekies om die Limpopo-trui aan te trek – ’n merkwaardige prestasie vir die skool en die gemeenskap.

O.13-span op pad na Cravenweek

Sewe spelers

Carlrich Bischoff

Kian Pohl

Kupa Chipatiso

Tivani Mabuza

Dimpeng Motloutsi

Ngwako Raolane

 Dzunisani Mushwana 

Hulle het aan ’n oefenkamp deelgeneem. Hulle berei tans voor om deel te neem aan die gesogte Cravenweek, wat op 29 en 30 Junie plaasvind. Die Cravenweek is bekend daarvoor dat dit die beste jong rugbytalent in die land wys, en is dikwels ’n springplank vir toekomstige provinsiale en nasionale spelers.

O.12’s neem deel aan toernooi in Klerksdorp

Intussen het vier van Laerskool Tzaneen se O.12-sterre

Matimba Shipalana

Thajon Mabunda

Makungu Phakula

 Kgotso Nkoana

Hul oefenkamp in Bela-Bela vanaf 23 tot 24 Junie bygewoon. Hulle verteenwoordig tans Limpopo tydens ’n provinsiale toernooi in Klerksdorp, wat vanaf 25 tot 27 Junie plaasvind.