Hoërskool Middelburg het in 2025 aan nege kunswedstryde deelgeneem. Hierdie kunswedstryde het ingesluit van die bekende Artistatue kunswedstryd tot die Nasionale Eistedfodd wat MHS weer vir die eerste keer hierdie jaar aangebied het. Items het gewissel van dans tot drama, skryfkuns tot redenaars, kuns tot sang, selfs groepitems uit ons Blyspel was op die verhoog. Ons skoolkoor, MiddiesMelodi is ook genooi om by beide Allegretto en Artistatue aan die nasionale rondte deel te neem. By die bekende Artium kunstefees spog ons met 26 Diplomas en twee leerders, Abigail Cullen en Liani Steyn wat genooi is na die wennerskonsert. Allegretto het ook op ‘n hoë noot afgesluit waar Abigail Cullen aangewys is as drama ambassadeur vir 2026. Gesamentlik het 53 MHS kultuurkinders gekwalifiseer om ons skool op nasionale vlak in 72 items te verteenwoordig in hierdie nege kunswedstryde.