Nellies Se Stemme Skitter by ATKV-Applous – en Dít op Ons Eie Verhoog! Laerskool Nelspruit het op Dinsdag, 27 Mei, die ATKV-Applous Koorkompetisie vir die laeveld op hul eie verhoog aangebied – ’n ware eer om gasheer te wees van Suid-Afrika se oudste en mees gesogte skoolkoorkompetisie. Met amper 300 kore en meer as 20 000 leerders van regoor die land wat deelgeneem het, was 2025 die 48ste jaar wat hierdié toonaangewende kompetisie aangebied is. Volgens beoordelaar Renette Bouwer stel ATKV-Applous nie net standaarde vir plaaslike koorsang nie, maar laat selfs internasionale deelnemers sidder voor die gehalte van Suid-Afrikaanse skoolkore.

• En die Nellies? Laerskool Nelspruit se junior- en seniorkoor was die enigste kore van die Laeveld, wat hierdie jaar deelgeneem het en hulle het die gehoor omtrent betower.
• Die Juniorkoor het ’n Goud verower – ’n glansprestasie wat hul harde werk, samehorigheid en passie weerspieël.
• Die Seniorkoor het ’n Silwer behaal – ’n bewys van hul toewyding en toewyding aan die kuns van musiek.

Hierdie suksesse sou nie moontlik wees sonder die leierskap en toewyding van Juffrou Isabel van Veenhuyzen, die koordiregent, wie se talent en passie duidelik deur elke noot op die verhoog gestraal het nie. Saam met haar het Juffrou Anika van Wyk en Juffrou Louise Haines onskatbare ondersteuning gebied aan die Senior- en Juniorkoor. Ons eer ook Tobias Kruger, die bekwame begeleier, wat met elke klaviernoot die sang tot nuwe hoogtes gelig het. Elke koorlid, afrigter en ouer het ’n sleutelrol gespeel in hierdie glansgeleentheid – en ons is ongelooflik trots op elkeen van julle. En nou vir nóg opwindende nuus:

Laerskool Nelspruit se kore is uitgenooi om op te tree tydens die bekende Innibos Kunstefees! Op Saterdag 5 Julie sal die Nellies op die hoofverhoog verskyn – langs van Suid-Afrika se grootste kunstenaars, waaronder Demi-Lee Moore, Corlea Botha, Joe Black, Elvis Blue, Die Piesangskille en Snotkop. Wat ’n ongelooflike voorreg en geleentheid om saam met sulke musikale reuse op te tree! Hierdie uitnodiging is nie net ’n eer nie, maar ook ’n bewys van die uitsonderlike gehalte van ons skool se musiekprogramme. As gasheerskool van ATKV-Applous, én nou deelnemers op een van die land se grootste verhoë, wys Laerskool Nelspruit dat ons nie net akademie en sport vier nie, maar ook die ryk waarde van musiek, kultuur en kreatiwiteit. Baie geluk, Nellies! Julle laat ons harte sing – en die wêreld luister.