Die Ligbron Akademie vir Tegnologie se o.14 seunshokkiespan het triomfantelik terug gekeer nadat hulle die afgelope naweek aan die finale Noordvaal B uitspele deelgeneem het. Die uitspele het by Hoërskool Noordheuwel in Krugersdorp plaasgevind.

Die span het begin deur twee poelwedstryde te speel. Eers wen hulle vir Hoërskool Marais Viljoen 8 – 0. Daarna kom hulle te staan teen hul gasheerskool, Noordheuwel en wen die wedstryd 3 – 1.

Hulle dring deur na die kwart-eindstryd teen Selly Park Secondary School van Rustenburg en verseker hul plek in die half-eindstryd met ‘n oorwinning van 6 – 1. In die half-eindstryd reken hulle af met Hoër Volkskool Potchefstroom met ‘n telling van 6 – 0. Hulle speel in die finaal teen Noordheuwel en wen die wedstryd 2 – 0.

Wat hierdie prestasie nog meer besonders maak is dat drie van die spelers Saterdagoggend vroeg terug gekeer het Ermelo toe om teen HTS Middelburg rugby te speel, waarna hulle weer terug us Krugersdorp toe vir hul eindstryd. Dit is Liggie gees uit die boonste rakke!