Kwartaal 1 was ‘n besige kwartaal by Laerskool Tygerpoort. Al ons sport- en kultuuraktiwiteite is weer volstoom besig en het ons al baie hoogtepunte beleef.  Ons het nuwe graad 1 en Tygieland-maats verwelkom asook ‘n baie suksesvolle Opedag gehad waar ons kon spog met ons pragtige skool, personeel en fasiliteite.

Sport: Ons atletiek seisoen het uitstekend gevaar, ons het begin met ‘n baie suksesvolle interhuis waarna ons aan verskeie byeenkomste deelgeneem en elkeen gewen het. Ons het ook die P8-byeenkoms gewen! Ons het meer as 40 leerders gehad wat deur is na die Gauteng-kampioenskappe en ons spog ook met ‘n uitmuntende 10 atlete wat na die Suid-Afrikaanse kampioenskappe toe gaan.  Baie geluk aan:

• Mieke Loock
• Righardt Nel
• Henré Lombaard
• Ruben Hayes
• Joshua Viljoen
• Luan Bezuidenhout
• Lara Meyer
• Nika Joubert
• Madison Loxton
• Cameron Pheiffer

Kultuur: Die redenaars gala-aand het vir die onderskeie grade in die week van 6 – 8 Maart plaasgevind. Hier het talle sprekers kans gekry om hulle stem dik te maak en standpunt in te neem met hulle beredenerings-vaardighede. Laerskool Tygerpoort spog met die volgende graadwenners:

• Graad 1: Anita Grobler
• Graad 2: Beau Labuschagne
• Graad 3: David Hechter
• Graad 4: Daniël Lombard
• Graad 5: Marko Dreyer
• Graad 6: Christian Groenewald
• Graad 7: Kari Dreyer

Daar is ook talle sprekers wat ons skool by die ATKV-redenaarskompetisie op 19 en 20 April verteenwoordig. Baie sterkte aan al die sprekers. Tygies GLIMLAG breed, en ons weet hoekom!