Op  Woensdag, 28 Januarie, het  Hoërskool Swellendam se  eerste  tennisspanne  se liga uiteindelik  afgeskop.  Die eerste  dogter- en seunspanne  het  dié  middag  na  Robertson vertrek om hul enkel- en dubbelwedstryde te speel. Beide  spanne  het trots met  oorwinnings  teruggekeer;  eers vir ’n welverdiende KFC en daarna huis toe.

Op Vrydag  30 Januarie het die tweede  dogterspan tuis teen HS Montagu  meegeding, terwyl die seunspan  teen HS Robertson  te  staan  gekom  het.  Die  dag  is  afgesluit  met  indrukwekkende  tellings van  22–0  en  21–1  in Swellendam  se guns  —  ’n uitstekende  vertoning deur albei spanne.