EHS word uitstekend verteenwoordig tydens Bokkieweek. Op 2 Julie het die leerders van regoor die Hoëveld wat gekies is vir die onderskeie AVS-Hoëveld-Bokkiespanne, in Volksrust ’n seremonie bygewoon waar elke speler hul klere ontvang het en bekendgestel is aan die Unie in span-formaat. Die Erries het uitgestaan bo die res met byna 70 leerders van EHS wat gekies is vir die onderskeie spanne.

Vanaf 3 tot 8 Julie het die Bokkieweek plaasgevind in Kroonstad. Hierdie geleentheid wat aan die leerders gebied word, is besondere blootstelling en Hoërskool Ermelo word elke jaar uiters goed verteenwoordig by dié week. Nie net het die Erries goeie sporttalent ten toon gestel nie, maar hul gedrag was onberispelik.

Marizelle van Niekerk

Dogtershokkie:

Die o.14-Hoëveldspan-dogtershokkie eindig algeheel tweede. Diana Jacob en Esphané van der Linde is verkies vir die Suid-Afrikaanse AVS-Bokkiespan. Me. Charmoné Prinsloo, onderwyser by EHS, was die hoofafrigter vir die o.16-Hoëveldspan en hierdie span deel die vyfde plek met die Vaal-driehoek-span.

By die o.19-Hoëveldspan het die Errie-dogters besonder goed presteer met vier dogters wat gekies is vir die Suid-Afrikaanse AVS-Bokkiespan: Carla Ferreira, Danel Olivier, Deidré van der Meyden en Kayla van der Meyden. Die span het die toernooi gewen en Surika Struwig, EHS-leerder, was Kaptein van hierdie span.

Seunshokkie:

Die o.15-Hoëveldspan-seunshokkie het derde geëindig in die toernooi en Stiaan van den Heever word gekies vir die Suid-Afrikaanse AVS-Bokkiespan. Me. Anra Mentz, EHS-onderwyser, was die afrigter en oud-Errie, Arend Fourie, het as chaperone opgetree.

(voor vlnr): Esphané van der Linde, Diani Jacob (Agter vlnr): Danel Olivier, Carla Ferreira, Kayla van der Meyden, Deidre van der Meyden

Netbal:

Die o.14-Hoëveld-netbalspan het algeheel sewende geëindig. Mia van Deventer ias as onder-kaptein aangewys en dié span se hoofafrigter was me. U-Vandé Nortje, onderwyser by EHS. Marizelle van Niekerk is gekies vir die Suid-Afrikaanse AVS-Duikerspan. Die o.16-Hoëveld-netbalspan eindig negende en die o.19’s eindig twaalfde.

: (voor vlnr): WJ Cronjé, Luan Greyling, WJ Pretorius en Tredoux Ferreira
(agter vlnr): Diederik van der Walt, Tyrone Berning en Armand du Preez

Rugby:

Die o.14-Hoëveld-rugbyspan eindig sesde in die toernooi met EHS-onderwyser, mnr. Xavier de Jager, as afrigter. Luan Greyling word gekies vir die Suid-Afrikaanse AVS-Bokkiespan en WJ Cronjé, asook WJ Pretorius word gekies vir die Suid-Afrikaanse AVS-Steenbokspan. Ruan Ludwig was kaptein vir die span. Die o.16-Hoëveld-rugbyspan behaal ’n vierde plek in die toernooi en Tyrone Berning, asook Tredoux Ferreira word gekies vir die Suid-Afrikaanse AVS-Gazellespan. Vir dié span het Tredoux as Kaptein opgetree.

By die o.19-Hoëveld-rugbyspan was mnr. Estian Horn, ook ’n EHS-onderwyser, die afrigter. Hierdie span eindig agtste in die toernooi en twee Erries word gekies vir die Suid-Afrikaanse AVS-Gazellespan: Armand du Preez en Diederik van der Walt. CJ van Huyssteen was onderkaptein var hierdie span. Baie geluk aan elke speler wat die toernooi meegemaak het. Dankie vir die EHS-manier waarop elkeen die Erries se naam hoog gehou het. Geluk veral aan die spelers wat verkies is tot die onderskeie SA-spanne. Hoërskool Ermelo is met reg trots op elkeen en wens julle alle voorspoed toe.

Stiaan van den Heever