Op Saterdag, 8 Junie, het die Hoërskool Ermelo se A-rugbyspanne aan die Mpumalanga-finaal vir groot skole deelgeneem.

Die Hoërskool Ermelo TWK Eerste span rugby spog en vier fees met hul trofee

Die o.14A-span speel gelykop met 10 punte elke teen Hoërskool Lydenburg. Na aanleiding van die onderskeie spanne se hoeveelheid drieë, word EHS aangewys as MPU-naaswenners.
Die o.15A-span kom te staan teen Hoërskool Rob Ferreira en wen die wedstryd met 22-19. Hierdie Errie-span is MPU-wenners!
EHS se o.16A-span het uitgespeel vir plekke drie of vier teen Hoërskool Rob Ferreira. Die Erries wen hierdie wedstryd met 39-14 en eindig derde in Mpumalanga.
Die Hoërskool Ermelo TWK Eerste span speel teen Hoërskool Lydenburg. Die eindtelling is 31-26 in die Erries se guns en hulle word ook as MPU-wenners gekroon.
Baie geluk aan elkeen van hierdie rugbyspanne met uitstekende spel en harde werk. EHS is trots op julle.