Goeie begin vir Merensky Landbou Akademie skaakspelers. Op 18 Februarie het nege skaakspelers van Merensky Landbou Akademie na Phalaborwa gereis waar hulle aan ‘n Mopani-streektoernooi in die Impala Sportsaal deelgeneem het. Vir Patel het in die o.16-afdeling deelgeneem waar drie en veertig spelers geregistreer het. Met slim skuiwe wen hy vier uit vyf rondes. Hiermee het hy ‘n tweedeplek ingeneem en bring ‘n welverdiende silwer medalje huis toe.

Plasieland se ander belowende speler, Logan Janse van Rensburg, het in die ope afdeling deelgeneem. Logan het teen volwassenes gespeel en vyfde geëindig. Die wenner van hierdie afdeling was Sello Mahlangu, Suid-Afrika se nommer 6 speler. Logan het in die laaste rondte teen hom te staan gekom. Studente van die Universiteit van Limpopo het aan Logan ‘n uitnodiging gerig om saam met hulle te oefen. Die volgende toernooi vind op 11 Maart plaas.

Voor: Vir Patel, Gautham Krishna. Felix Eduttakaram, Ndivhuvo Maluleke. Agter: Ashish Sagi, Kuda Mutadza, Ethan Bronkhorst, Tshepo Moagi, Logan Janse van Rensburg.

Sello Mahlangu and Logan Janse v Rensburg.

Ms Kamogelo Sedibeng marketing/pubicity chairperson chess Limpopo and Mr Joe Mahomole, President of Chess Limpopo, with Vir Patel.