BVHS se eerstespan dogtershokkie-kaptein: Amelia Lamprecht

Wat is die hoogtepunt van julle span se seisoen sover?

Ons hoogtepunt van ons seisoen hierdie jaar is dat ons al nr 3 op die SA skole ranglys was en tans op nr 4 lê.

Hoe motiveer jy jou span?

Deur altyd opbouend te wees en die voorbeeld te wees om nooit op te hou nie, al is dit hoe moeilik nie.

Wie is julle onderkaptein en hoe staan sy jou by?

Marjulyn Myburgh, sy staan my by deur op, en van die veld af, my besluite te ondersteun en ook as onderkaptein ‘n voorbeeld te stel.

Hoe is die samestelling van die span vir Saterdag? Enige beserings?

Ons is bevoorreg om geen beserings te hê nie en ons is `n lekker mengsel van ervaring en verskillende ouderdomme.

Wat wil jul as `n span die jaar bereik? Wat sal jou trots maak?

Ons wil graag die jaar weer Top 12 toe gaan. Dit sal vir my baie lekker wees as ons onder die Top 5 kan eindig aan die einde van die seisoen.

Wat is jou planne vir die toekoms?

Ek wil bedryfsingeneurswese gaan studeer en dit sal vir my lekker wees as ek nog kan aangaan met hokkie, al is dit dan net vir `n koshuis.

Amelia Lamprecht