Hoërskool Aliwal-Noord se Gr 8 Landsdiens leerders het hul eerste Hoërskool Landsdiens kamp gehou.  Met hul tente op die skoolgrond opgeslaan, en in groepe van blou en geel ingedeel het die pret begin. Die Potjiekos kompetisie, die leerders moes saamwerk om aandkos voor te berei. Elke span het hul bestandele ontvang en onder meneer Etienne se wakende oog was heerlike aandkos gemaak. Die leerders moes ook tooisels van die huis af bring sonder dat hulle geweet het in watter groep hulle ingedeel gaan word. Tydens die kompetisie was hulle beoordeel op kos, vermaak en spanwerk. Die Blouspan word toe as die wenners aangewys.

Daarna het hulle meer geleer oor die Landsdiens waardes en gelyster na ‘n Bybel vers wat deur die Landsdiens Voorsitter Wium Smit voorgelees was uit I Johannes 3:16 en het baie harte geroer omdat die Paasnaweek was en almal soveel het om voor dankbaar te wees. Daarna het hulle kreatief geraak en rivierklip met woorde geverf wat die landsdiens waardes uitbeeld en ook hul liefde vir God onder die wakende oog van die Landsdiens lede: Wium Smit, Benathi Beje, Anica Pretorius, Marnus Snyman, Cody Joubert, Thato Parkies and Monique Weitzs.

Daar is hope Landsdiensliedjies gesing en die Landsdieners het vet prêt gehad deur die “Monkey dance” te doen. Die Landsdieners se liefde vir jou medemens is deur ‘n skattejag getoets toe hulle besef dat spanwerk en ondersteuning die enigste manier is om die aktiwiteitte wen. Die blou span het weereens met die title weggestap en was onder die leiding van Lynn-Zay Jansen en Elyon Moolman.

Die geelspan het wel aan die einde van die aand breëbors weggestap met die titel van die beste Lantern bekruipers. Hierdie Landsdieners het gesien die onderwysers is te op en wakker en het besluit om ‘n trekkerband as hulpmiddel in te span. Die heerlikekamp is rondom ‘n kampvuurafgesluit met gebraaide of is dit nou gebrande malvalekkers tussen twee mariebeskuitjies, die bekende “smores”. Baie dankie aan die volgende Landsdiensonderwysers wat hulle tyd en slap opgeoffer het om te verseker dat hierdie kamp een vir die boeke was: Mnr. Etienne von Gericke, Juff. Ane von Gericke,   Mnr. Pieter van Schalkwyk, Mnr. Petrie Wagener, Mnr. AdriaanPrinsloo en Juff. Zanie van Schalkwyk.