Op 11 April 2022 het Gavin en Chris vanaf die Herder Akademie ons Karoo Volksies kom besoek. Hierdie Akademie werk met buffels en skape. Hulle het ‘n voorlesing gedoen oor beweiding. Die leerders het geleer van die verskillende fases van gras en watter gras die beste voedingswaarde het vir vee. Ons sien uit om later die jaar die voël rehabilitasiesentrum te besoek. Laer Volkskool wil graag vir oom Johann Sparrius dankie sê vir die reëlings asook Gavin en Chris vir hulle tyd.