Laerskool Vredekloof wil graag sy opregte dank en waardering uitspreek teenoor Vredekloof Spar vir hul ruim borgskap van sportklere aan die skool se eerste sportspanne.  Hierdie besonderse bydrae beteken baie vir ons leerders en die hele skoolgemeenskap.

Danksy Vredekloof Spar se ondersteuning kan ons sportspanne die skool met trots, selfvertroue en ware spangees verteenwoordig wanneer hulle gedurende die seisoen aan wedstryde deelneem.  Deur in ons jong sportsterre te belê, help Vredekloof Spar nie net om sport te bevorder nie, maar skep hulle ook geleenthede vir leerders om belangrike lewensvaardighede soos dissipline, deursettingsvermoë, spanwerk en leierskap te ontwikkel. Hierdie waardes word daagliks deur ons leerders uitgeleef en weerspieël in die uitstekende prestasies wat hulle op verskeie sportterreine behaal.

Eerste Hokkie Span Dogters

Leerders van Laerskool Vredekloof het onlangs weer hul staal gewys tydens verskeie judo- en stoeikompetisies en indrukwekkende resultate gelewer.  Connor Grobbelaar het besonder goed gevaar tydens sy onlangse judotoernooie. By die SAT Wes-Kaap Ope op 16 Mei het hy goue medaljes in beide die Novice- en Ope-afdelings verower. Hy het sy sukses voortgesit tydens die CWJA Ope- en Novice-toernooi op 23 Mei, waar hy weer goud in beide afdelings gewen het. Connor se deursettingsvermoë, dissipline en toewyding aan sy sport is ’n inspirasie vir sy mede-Klofies.

Auroun Grobbelaar het aan die Abraham Geldenhuys Provinsiale Ope-stoeitoernooi deelgeneem en uitstekende resultate behaal. Sy het ’n goue medalje in die Meisiesafdeling gewen en ook ’n bronsmedalje in die Vrystyl Seunsafdeling verower. Haar harde werk en toewyding tot die sport het beslis vrugte afgewerp.

Skylee Etherington het ook aan die Abraham Geldenhuys Provinsiale Stoeitoernooi deelgeneem en indrukwekkende prestasies gelewer. Sy het ’n silwermedalje in die Meisiesafdeling, ’n bronsmedalje in die Vrystyl Seunsafdeling en nog ’n silwermedalje in die Presidentskole-afdeling ontvang. Skylee se groei en ontwikkeling op die stoeimat is merkwaardig en getuig van haar volharding en passie vir die sport.

Baie geluk ook aan Connor, Auroun en Skylee met hul uitstekende prestasies. Julle harde werk, toewyding en sportmangees maak die hele Vredekloof-gemeenskap ongelooflik trots.

Eerste Hokkie Span Seuns

Eerste Netbal Span

Eerste Rugby Span