Paul Roos en Grey High hervat ‘n 20-jaar tradisie op ‘n hoë noot. Dit was met groot opgewondenheid waarmee meer as 600 Paul Roosers weer die pad na Gqeberha aangedurf het om Grey High vir die jaarlikse Paul Roos Gimnasium vs Grey High Derby, 7 – 9 April 2022, te besoek.

Die tradisie leef al vir 20-jaar voort en die twee skole het laas meegeding in 2019 as gevolg van die pandemie. Die Interskole-derby het nie net op die tradisionele sportkodes gefokus nie, maar ook kultuuraktiwiteite soos skaak, debating en selfs eSport ingesluit. Een van die hoogtepunte van die naweek was die Paul Roos-drumline se optrede wat ‘n groot bydrae gewlewer het om die sportmangees aan te wakker.

Jolla Bolla By Grey High

PRG Drumline by Grey High

PRG Vlae by Grey High

PRG Vlag op paviljoen

Paul Roos Gimnasium het uitstekend gevaar en die volgende uitslae is behaal.

• Golf: Al drie golfspanne wen die wedstryde gespeel by Humewood gholfbaan.
• Tennis: PRG wen al 18 wedstryde gespeel insluitend dubbel- en enkelspel-wedstryde.
• Bergfiets: PRG wen Grey High met 124 – 96.
• Muurbal: PRG verloor.
• Landloop – 7km-wedloop en aflosse: PRG wen.
• Skaak: PRG wen al sewe wedstryde. Die skaakspankaptein, Alex van der Merwe, is onlangs aangewys as die beste o/18-skaakspeler in Suid-Afrika.
• Debating: PRG wen en twee PRG-leerders Nikolaj van Rensburg en William Louw wen beste spreker.
• Esport wen al drie CS:GO en Rocket League wedstryde en verloor teen Grey High se League of Legends-span.

PRG-hokkie het Donderdag 7 April teen Pearson High School deelgeneem waarvan twee wedstrdyde gewen is en die eerstespan ‘n gelykop telling van 3-3 behaal het. Teen Grey High het PRG 5 wedstryde gewen, 3 gelykop gespeel ingesluit die eerstespan met 1-1 en 3 wedstryde verloor.

Die rugby-spanne het besonders goed gevaar en al 15 wedstryde teen Grey High gewen. Die tellings was soos volg: o/14-spanne wen al vier wedstryde ingesluit die o/14A-span met 7-6, o/15-spanne wen al drie wedstryde en die A-span wen 31-0, o/16-spanne wen al drie wedstryde en die A-span wen 26-0.

Die o/19-rugbyspanne het al vyf wedstryde met die volgende tellings gewen: 19A wen 30-14, 19B wen 21-20, 19C wen 20-13, 19D wen 29-0, 19E wen 31-0

Paul Roos se sokkerspan het saam na Port Elizabeth getoer waar hul teen Victoria Park High deelgeneem het. Uitslae was as volg: o/14A verloor 2 – 5, o/15A gelykop 0 – 0, o/17A wen 1 – 0 en o/19A wen 3 – 1.

Na afloop van die naweek het die skool die volgende epos van ‘n Paul Roos-ouer ontvang; “Die orde, dissipline en respek van die leerders het my opgeval vroeg Sondagoggend toe hulle by die skool arriveer het. Natuurlik was die kinders moeg, maar hulle kon deur ‘n ring getrek word, netjies in hulle stepouts geklee.  Ek het verskeie leerders gesien wat pertinent vir die hul bus bestuurders gaan bedank het. Dis ontsaglike klein goedjies wat baie groot respek inboesem.”

Paul Roos Gimnasium waardeer elke leerder, ouer, afrigter en personeellid vir hul waardevole bydrae tot die sukses van die toer en uitleef van die Paul Roos-waardes.