Die o.11-netbalspan van Laerskool Aliwal-Noord het op 14 Maart aan ’n toernooi in Middelburg deelgeneem. Die dogters het met groot entoesiasme en spanwerk op die baan gespeel en hul beste gelewer in elke wedstryd. Hulle is blootgestel aan goeie kompetisie en het waardevolle ervaring opgedoen. Ons is trots op hul sportmangees, deursettingsvermoë en die wyse waarop hulle die skool se naam hoog gehou het.