Gister het Carli Cromhout leerder van Hoërskool Volksrust , Middelburg die Mpumalanga Jeugskou bygewoon, waar sy haar vaardighede as konynskouer vertoon het. Onder nege deelnemende leerders het Carli haar konyn, Munchin, ten toon gestel en die eerste plek verower in die kompetisie.

Munchin, ‘n Jesey Whooly konyn, het die beoordelaars se aandag getrek met sy uitsonderlike eienskappe en kondisie. Carli se toewyding tot die versorging en afrigting van Munchin het beslis vrugte afgewerp, toe hulle as die wenner uit die kompetisie tree.

Die Mpumalanga Jeugskou is ‘n geleentheid vir jong diereliefhebbers om hul vaardighede te wys en hul passie vir diere te deel. Carli se sukses op die skou is ‘n ware weerspieëling van haar harde werk en toewyding aan die konynskou-gemeenskap.

Geluk aan Carli Cromhout en Munchin vir hul prestasie op die Mpumalanga Jeugskou!