Verlede week het die Strand se eerste krieketspan drie wedstryde gespeel en uitstekend presteer. Woensdag het die Strand by HHH gaan besoek aflê en met 74 lopies gewen. Die Strand het 170/3 in 20 boulbeurte aangeteken. Jordan Everts het 71 lopies van 58 balle en Daniël Theron 60 lopies van 37 balle gemoker. Vrydag het die Strand by HS Stellenbosch gaan speel en met 72 lopies gewen. Daniël Theron het weer eens skitterend gekolf en 52 lopies van 19 balle geslaan. Tyrone Nicholas het ‘n baie goeie 30 lopies van 20 balle bygedra. Die Strand het 197/5 in 20 boulbeurte aangeteken en Stellenbosch tot 125 lopies beperk.

Saterdag het die Strand teen HS Hugenote gespeel en met 152 lopies gewen. Die Strand het 217 lopies aangeteken en Hugenote tot 65 lopies beperk. Daniël Theron weereens die leiding geneem en 77 lopies van 49 balle geslaan. Hy is baie goed deur Tyrone Nicholas ondersteun wat 31 lopies van 50 balle bygedra het. Nicholis Martin het uitmuntend geboul en 6 paaltjies vir 30 lopies ingeoes. Daniël Theron het nou vyf agtereenvolgende vyftigtalle aangeteken:

• 50 lopies teen Parel Vallei
• 83 lopies teen ‘n Engelse toerspan in Kaapstad
• 60 lopies teen HHH
• 52 lopies teen HS Stellenbosch
• 77 lopies teen HS Hugenote.

Hoërskool Strand is voorwaar trots op sy krieketspelers.

Daniel Theron en Jordan Everts

Daniel Theron en Nicholis Martin

Krieket 1ste span

Matrieks 2024 krieket