Hoërskool Ermelo leerders gekies vir MPU-oefenspanne. Baie geluk aan die volgende dogters wat gekies is as deel van die Mpumalanga-dogtershokkie oefengroep: In die o/14-groep is dit Marlioné Erasmus, Elizca Lotz, Danisia Badenhorst, Talitha Cronje en Sunick Badenhorst. J’Lee Willemse is gekies vir die o/16-groep en Mia Steenkamp, Jaclyn Venter en Inge Greyling is gekies vir die o/18-groep. Die Erries is trots op dié hokkiedogters en wens elkeen ‘n lekker ervaring toe.

Op Donderdag 28 April het die tweede ronde Mpumalanga seunshokkieproewe plaasgevind. Armand Coetzer en Stiaan van den Heever is gekies vir die o/14 Mpumalanga-oefengroep en Edrich Beyer is gekies vir die o/18 Mpumalanga-oefengroep. Die A- en B-spanne word op ‘n later stadium gefinaliseer, maar EHS is reeds besonder trots op die seuns. Mag dié vir elkeen ‘n leersame ervaring wees.