Juard Toerien is gedurende 2024 gekies vir twee spanne in twee onderskeie Premierligas. Hy verteenwoordig die Middelburg Wolves in die Mpumalanga Premierliga wat teen Uplands College gespeel het vanaf die 26ste September tot die 29ste September. Die Middelburg Wolves het ‘n derde plek in die Mpumalanga Liga behaal en Juard is aangewys as die beste o.14-speler van die toernooi.In Desember gaan Juard die Bloem-Hornets verteenwoordig in die Vrystaat Premierliga. Hierdie liga vind van die 2de tot die 5de Desember plaas waar hul teen Grey College gaan afreken. Hoërskool Ermelo is ongelooflik trots op Juard en wens hom en sy span baie sterkte toe met die toernooi.