Hoërskool Volksrust Pronk Met Uitstekende Matriekuitslae van 2023
Hoërskool Volksrust vier ‘n uitsonderlike prestasie met ‘n 100% slaagsyfer vir sy 97 matrieks in die matriekeksamens van 2023. Die trotse skool het nie net al sy leerders sien slaag nie, maar ook ‘n indrukwekkende aantal onderskeidings en bachelorspasses bereik.

‘n Totaal van 57 leerders het ‘n bachelors pass behaal, wat hulle kwalifiseer vir toelating tot universiteit. Verder is daar 33 leerders wat die vereistes vir verdere diploma-studies ontmoet het, wat ‘n aanduiding is van die skool se toewyding tot ‘n holistiese opvoeding wat verskeie loopbane moontlik maak.

Die matriekklas van 2023 het in totaal 36 onderskeidings verwerf, wat getuig van ‘n hoë standaard van akademiese uitnemendheid. Die onderskeidings is as volg verdeel:Lewenswetenskappe: 4

• LO (Lewensoriëntering): 14
• Besigheidstudies: 1
• Rekeningkunde: 1
• CAT (Rekenaartoepassings-tegnologie): 3
• English First Additional Language: 3
• Wiskunde: 2
• Wiskundige Geletterdheid: 2
• Fisiese Wetenskap: 1
• Landbouwetenskap: 1

Die skoolhoof, me Marinda Smit, het die prestasies van die leerders, sowel as die toewyding van die onderwysers, geprys.”Hierdie uitmuntende uitslae is die resultaat van harde werk, deursettingsvermoë en ‘n toegewyde onderrigspan. Ons is trots op elke leerder wat deel uitmaak van hierdie suksesverhaal.”