Baie welkom aan me. Anneli Cockcroft. Me. Cockcroft was in Vrede op skool en haar ouers boer tussen Vrede en Cornelia. Sy het vir 4 jaar studeer by die NWU Potchefstroom kampus en daarna vir ‘n jaar in Nederland gaan Au pair. Haar BEd senior en VOO se spesialis vakke is Lewenswetenskappe en Fisiese Wetenskappe. By Volkies gaan sy Lewenswetenskappe vir Graad 8 aanbied en Lewenswetenskappe en Fisiese Wetenskap vir Graad 9.

me. Anneli Cockcroft.

Baie welkom terug aan me. Amanda Willemse. Sy is reeds ʼn bekende en geliefde onderwyser by Volkies en gaan graad 11 en 12 Lewenswetenskappe aanbied.

me. Amanda Willemse

Baie welkom aan me. Elizma van Heerden. Sy kom oorspronklik van Pietersburg, Limpopo af, gebore in Ellisras. Haar kwalifikasies is BEd Senior VOO Lewenswetenskappe en Engels. Sy het by NWU studeer en het by HTS Tom Naudé THS skool gehou. By Volkies gaan sy Engels Gr 10 Huistaal en Gr 11 Eerste Addisionele Taal aanbied.

me. Elizma van Heerden

Baie welkom aan me. Anja Nolte. Me. Nolte het op ‘n plaas grootgeword by Perdekop en het gematrikuleer in 2019 by Hoërskool Standerton. Sy het vir 3 jaar radiografie gestudeer by die Universiteit van Pretoria en studeer tans onderwys by AROS. Me. Nolte bied die Fisiese Wetenskappe deel vir Gr. 8 NW aan by Volkies en haar doelwit is om ʼn positiewe verskil in iemand se lewe te maak en ʼn rigtingwyser te wees vir die wat leiding mag nodig kry.

me. Anja Nolte.

Baie welkom aan mnr. Joubert Willers. Mnr. Willers matrikuleer by HTS Middelburg, nadat hy oorspronklik van Pongola af kom. Hy behaal ʼn B-graad in Sportwetenskap van die NWU Potchefstroom en ʼn honneurs in Sportwetenskap van die Universiteit van Johannesburg. Mnr. Willers gaan EBW aanbied vir graad 8, NW vir graad 9 en Sportwetenskap vir graad 10.

mnr. Joubert Willers

Baie welkom aan mnr. Tiaan Koekemoer. Mnr. Koekemoer is ʼn oud-Volkie wat in 2015 hier gematrikuleer het. Hy het onderwys studeer aan die NWU en gaan verantwoordelik wees vir Gr 8 en 9 Sosiale Wetenskappe en Gr 10 en 11 Landbou Tegnologie.

mnr. Tiaan Koekemoer

Baie welkom aan mnr. Nico Venter. Mnr. Venter is ʼn oud-Volkie wat in 2008 hier gematrikuleer het. Daarna het hy aan die Universiteit van Pretoria ʼn B Eng Rekenaar (Rekenaar Ingenieursgraad) behaal in 2012, Cum Laude! Mnr. Venter is ons nuwe stelseladministrateur en is verantwoordelik vir graad 10 tot 12 Inligtingstegnologie, asook graad 10 Rekenaartoepassingstegnologie.

mnr. Nico Venter.

Hoërskool Volksrust wens elkeen van hierdie nuwe personeel baie sterkte toe en mag hulle sommer vinnig tuis wees in ons midde.