Die personeel van Laerskool Gene Louw in Durbanville het op 19 September hul skoolbaadjies afgestof om soos leerders aan te trek, wat vir groot pret in dié skool se gange en op die speelgrond gesorg het. Wêreldonderwysersdag is 5 Oktober gevier om erkenning te gee aan onderwysers en hul toewyding tot hierdie belangrike roeping, maar Gene Louw het besluit om dit vanjaar vroeër te hou sodat die opvoeders net voor hul vakansie vereer en bederf kon word.

Die graad 3-opvoeders van Laerskool Gene Louw neem die speelgrond oor ter viering van Onderwysersdag. Agter: Karla van der Merwe, Alexandra Jordaan, Maronel Louw en Lara van den Heever. Voor: Alda Silva, Elré Smit, Roseanne van Alten en Mariana Giliomee.