Laerskool Cradock het op Saterdag, 15 Oktober 2022, ‘n baie suksesvolle gholfdag by Cradock Gholfklub aangebied.  Dit was ‘n heerlike dag en die personeel was alreeds van voordag af bedrywig om alles in gereedheid te bring.  Die eerste deelnemers wat afgeslaan het, was R. de Klerk, D. Tam, G. Gouws en M. Cordosa.  Die ander groepe het kort op  hul hakke gevolg.  Almal was beindruk met die puik organisasie van die dag, deur mnr. Wessel Potgieter, Adjunkhoof van CLS.  Die hele personeel het ‘n bydrae gelewer en het die dag saam met die deelnemers en ander ondersteuners kom geniet.  Andre Pretorius, van Theron du Plessis, was die hoofborg van die gholfdag.

Die personeel van Laerskool Cradock, onder leiding van mnr. Wessel Potgieter, het ‘n baie geslaagde gholfdag aangebied.

Laerskool Cradock Gholfdag

Theron du Plessis se deelnemers aan die gholfdag

Mnre. Jack Adam (Onder-voorsitter van CLS SBL), Jacques Gerber (Voorsitter), me. Marietjie Maree (Skoolhoof), Andre Pretorius (Hoofborg: Theron du Plessis) en Wessel Potgieter (Adjunkhoof CLS)

Die gelukkige trekking, om die wenner van die “hamper,” ter waarde van R4000 te bepaal, het groot belangstelling gelok.  Faan “Baler” het die wenkaartjie gekoop. Almal het met groot opgewondenheid deur die dag gaan loer na die groot verskeidenheid pryse wat gewen kon word.  Aangesien die pryse wat op die spel was alles geskenk was, kon elke deelnemer wegstap met ‘n prys. In die “putting” kompetisie het Lowie Steenkamp die ander ywerige deelnemers gewys hoe dit gedoen moet word… met net een probeerslag, was die kroegyskassie syne!  Naaste aan die pen, by 3 + 12, was Gerhard Schulze; 9 + 17 was M. Hildebrandt; 8  + 17 was Conrad Stickling en 6 + 15 het Willie van Staden elkeen ‘n geskenkpak gewen.

Baie dankie aan Cradock Gholfklub vir die gebruik van die pragtige gholfbaan en fasiliteite

Die nie-gholfers se uitslae was as volg:  Charl Oosthuizen was die wenner, met 35 punte.  Daarna het Stollie Duvenage (31), Gerhard Schulze (30), Paul de koker (29) en Rouxan Engelbrecht (28) gevolg.

Die wenner van die nie-gholfers: Charl Oosthuizen

Die algehele wenner van die dag was “Tiger” Jacques van Niewenhuysen (42), gevolg deur Carl Snyamn en Vincent Keogh.  Chris van den Heever, Duppie de Lange, Willie van Staden, Fanie Bezuidenhout, Gustav Gouws, Ignis Goosen en ET Duvenage het die eerste 10 plekke verower. Laerskool Cradock wil elke deelnemer, borg en ondersteuner van harte bedank vir u bydrae tot die suksesvolle dag.  Volgende jaar maak ons weer so.