Die Groentjiesklub van Laerskool Bellville-Noord het hul jaar se vol program afgesluit met ‘n kamp in die Drie Kuilen Natuurreservaat in die Touwsriver-omgewing. Dit het plaasgevind vanaf 11 tot 13 Oktober.Ons het die naweek twee wildsbesigtigingsritte in die reservaat meegemaak en onder andere sebras, elande, gemsbokke, vele klein skilpaaie en bobbejane gesien. Ons het ook na fossiele in een van die droë rivierbeddings gaan kyk.

Me. Erika Rowbotham (heel links) en mnr. Corné Lötter (middel) saam met die Groentjiesklubkinders en me. Lina Grube (Drie Kuilen se eienaars se dogter wat die reservaat namens hulle bestuur) in die voertuig na afloop van die wildsbesigtigingsritte.

Voor die ritte by Drie Kuilen het ons eers die trekkerrit by Proteaplaas teen die berg op meegemaak tot net onder Arangieskop van waar ons kon afkyk op die Koo- asook Keisievallei aan die eenkant, en Robertson aan die anderkant.Die kinders het die swem in damme by Drie Kuilen asook Proteaplaas terdeë geniet.

Me. Erika Rowbotham (heel links) en mnr. Corné Lötter (middel) saam met die Groentjiesklubkinders en me. Lina Grube (Drie Kuilen se eienaars se dogter wat die reservaat namens hulle bestuur) in die voertuig na afloop van die wildsbesigtigingsritte.

Ons het wel ook ‘n bietjie hard gewerk deurdat ons Drie Kuilen met hul erosiesloot-herstelprojek gehelp het deur klipmure in van die erosieslote te pak. Die personeel van Drie Kuilen was uiters vriendelik en het die besoek vir die klompie kinders baie aangenaam gemaak. Hul het ons tot fossiele gewys in een van die rivierlope daar.

Me. Lina Grube (Drie Kuilen) hou ‘n pragtige groot duisendpoot vas vir een van die Groentjies, Cleonique Fourie, om te bekyk.

Dis sekerlik die swemdam met die mooiste uitsig. Hier is die Groentjies voor hul eerste swem in die dam by Drie Kuilen.