AWSUM gesels met, eerstespan rugbykaptein van Hoërskool Zwartkop oor hulle seisoen en die kragmeting wat voorlê, ons gesels ook met die afrigter. Lees die spesiale koerantuitgawe vir die toernooi hier.

Eerstespan Afrigter: David Gouws: Wat kan die skool en ouers hierdie jaar te wagte wees van julle span? Dit is altyd lekker om gesien te word as die “underdogs”, die verwagtinge is dan veel minder as die verrassingselement. Ons gaan poog dat die bal die werk doen en natuurlik om die opponent se foute uit te buit en dit om te skakel in punte.

 Hoe is die samestelling van die span vir die classic clash? Enige beserings? Ons probeer week – na – week om die 15 bes moontlike spelers op die veld te laat draf. Daar is tans geen beserings wat ‘n invloed op die eerstespan het nie. Ons kyk hier na ‘n gewigtige pak voorspelers en senters wat daarvan hou om met spoed met die bal te hardloop op die punte. Anders as verlede jaar, het ons nie nodig om spelers uit hul posisie te speel nie.

 Waar sou jy sê lê julle krag hierdie jaar? Met ‘n swaar pak voorspelers word daar van hulle verwag om dominerend te wees tydens skrums en rolmaal – bewegings.

 In jou opinie, wat is die eienskappe van `n goeie rugbyspeler? Dit is die een wat bereid is om te leer (moet “coachable” wees), moet ‘n spanspeler wees, basiese vaardige moet op standaard wees en so ‘n speler moet sy eie unieke verrassingselement hê.

 Wat is jou filosofie as `n afrigter? Om elke speler toe te rus met die nodige kennis, skietgoed en vaardighede sodat hy die beste moontlike speler in sy posisie kan wees, asook om ‘n gedissiplineerde jong man te kweek – nie net op die veld nie, maar ook van die veld af. Laastens moet die speler, dit wat hy doen geniet en moet niks hom keer om sy talente wat hy gekry het binne die 4 lyne uit te leef nie.

Is daar enige afrigters waarna jy opkyk? Ek kyk op na alle skole afrigters, of dit nou laerskole- of hoërskole afrigters is.  Die tyd, moeite, omgee en geduld wat afrigters belê in spelers en spanne is benoemenswaardig en hulle doen dit alles vir die liefde van die spel.

Ian van der Westhuizen

Ian van der Westhuizen  ste Rugbyspan Kaptein: Wat is my hoogtepunt van my rugbyloopbaan tot dusver?  Die hoogtepunt van my rugbyloopbaan is definitief ons eerstespan toer van 2023 na Namibië waar ons as “individuals” gegaan het, maar as een span teruggekeer het.

Hoe motiveer jy jou span?  Ek motiveer my span deur met eerlikheid en respek op te tree, bv. as ‘n speler/spanmaat ‘n fout maak sal ek dit uitwys en hom aanmoedig om dit reg te maak op ‘n respekvolle manier sodat hy nie mismoedig raak gedurende wedstryde of oefeninge nie.

  Wie is julle onderkaptein en hoe staan hy jou by?  My onderkaptein is Jonathan Wilson. Ek en Jono het ‘n goeie verhouding as dit kom by die leierskap van ons span. Ons vul mekaar aan op plekke waar nodig is en ons koester albei dieselfde verwagtinge van die span en van mekaar. Ons het elkeen ons plek in die span waar ons in beheer is. Ek is in beheer van die voorspelers se calls en hy is in beheer van die agterlyn.

Waarna sien julle as ‘n span die meeste hierdie jaar uit?  Ons, as ‘n span, het twee mylpale wat ons in 2023 wil bereik.  Dit is om ons CLASSIC CLASH wedstryd te wen asook die Noordvaal beker.

 Wie is jou gunsteling springbokspeler en hoekom?  My gunsteling Springbok rugbyspeler is Juan Smit. Hy speel nie meer vir die Bokke nie, maar was op sy dag ‘n uitmuntende speler en die beste flank wat die Bokke nog ooit gehad het.  Hy is my gunsteling speler, omrede hy sy werk op die veld altyd na die beste van sy vermoë doen en dan doen hy nóg meer.

 Wat is jou planne vir die toekoms?  My toekomsplanne is om landbou te gaan studeer en dan oorsee te gaan om rugby of Amerikaanse Football daar te speel.