Hoërskool Witteberg atleet Gerhard Bossert en Francisca Rheeder het aan die Vrystaat Landloopkampioenskappe deelgeneem en uitstekende prestasies behaal. Gerhard het ‘n 3de plek behaal in die seuns onder 17-kategorie, terwyl Francisca ‘n 12de plek behaal het in die dogters onder 15-kategorie. Beide atlete is gekies vir die Vrystaatspan wat op 7 September aan die Suid-Afrikaanse Kampioenskappe gaan deelneem.