Hoërskool Garsfontein presteer op alle terreine.

Akademie:

Global Travel And Tourism Partner-Kompetisie:

• Mila Cilliers en Anke Nel het die Global Travel and Tourism Partner-kompetisie in Suid-Afrika     gewen. Hulle vertrek einde November 2025, saam met hul Toerisme-onderwyseres, me Sarita
• Kruger, na Athene in Griekeland, waar hulle gaan deelneem aan die International Travel and Tourism Student and Teacher Conference en ’n voorlegging gaan doen oor “Technology Transforming Travel: Technology as an enabler for a more inclusive travel experience for all”.

Gauteng Wiskunde Olimpiade

• Amelia Steyn het die derde plek verower in die Gauteng Wiskunde Olimpiade

Southern African National Geography Olympiad

• Die graad 9 Geografie-leerders wen die Southern African National Geography Olympiad (SANGO).
• 107 skole en 2 270 leerders het aan die olimpiade deelgeneem.

Robotika – Die twee robotikaspanne, “Snuggly Ducklings” en die “Nuclear Juices” is in Desember 2024 genooi om aan die First Lego League (FFL) World Festival in Houston, Texas deel te neem. Die “Snugly Ducklings” ontvang die Çore Values Cooperation Award. 100 000 robotikaspanne het wêreldwyd aan die kompetisie deelgeneem waarvan die beste 160 spanne na die kompetisie in Houston, Texas genooi is.

Kultuur – Vanjaar spog Hoërskool Garsfontein met besonderse prestasies op kultuurgebied en bevestig weereens waarom hy een van die toonaangewende skole in Pretoria is. Van op die verhoog tot in die redenaarslokaal bult Garsie Kultuur sy spiere. Die 2025 seisoen vestig Hoërskool Garsfontein as ‘n dinamiese kultuurskool waar elke leerder hul unieke begaafdheid kan uitleef en ontwikkel.

Toneel – Tydens vanjaar se toneelseisoen palm die Garsie Toneel-geselskap verskeie toekennings in en word as streekswenners by die FAK-, Pronk Podium- en ATKV-Toneelkompetisies aangewys. Verder, dring die voorgenoemde geselskap na twee landsfinale deur waar hulle onder die top 12 tonele eindig. Redenaars en debat.

Op die oratorsplatform staan is ons sprekers allermins op hulle bekke geval nie en doen die gesegde “so bek kort jêm” gestand. Hoërskool Garsfontein lewer vanjaar twee Top 3 nasionale wenners op in die Afrikaans Redenaarsafdeling by onderskeidelik die Con Spirito- en Interskole Redenaarskom-petisie. Tydens vanjaar se Interskole Redenaarskompetisie word ons graad 9-span as nasionale wenners by die voorbereide afdeling. Ons graad 12-span tree as wenners uit die stryd in die Engelse Onvoorbereide afdeling tydens die Con Spirito redenaarskompetisie. Verder, dring vier van ons debat-spanne deur na die Con Spirito Debatkompetisie se landsfinaal waar hulle onder die Top 20 eindig.

Sport

Hoërskool Garsfontein se vier Wintersport eerste spanne (Rugby, Netbal, Hokkie Seuns en Dogters) wen vanjaar vir die eerste keer in die skool se geskiedenis almal die Interskole teen Hoërskool Menlopark (weg) en Hoërskool Waterkloof (tuis).

Atletiek

• Hoërskool Garsfontein is die enigste Pretoria-Oos gemengde skool wat onder die Top10-skole tydens die Curro Podium Byeenkoms geëindig het en aan beide die Pretoria- en Super Interhoër se A-bond Atletiek deelneem.
• Seuns– En Dogtershokkie
• Hokkie Dogters (eerste span) word vir die eerste keer in die skool se geskiedenis as Noord-Gauteng wenners aangewys.
• Hokkie Seuns (eerste span) wen vir die eerste keer in die skool se geskiedenis vir Grey Kollege Bloemfontein.

Krieket

• Krieket (eerste span) eindig algeheel derde in die Schools SA20 Nasionale Toernooi (die beste posisie in die skool se geskiedenis). Krieket (eerste span) verdedig hulle titel suksesvol by die
• Hoërskool Diamantveld Wildeklawer Toernooi. Krieket (eerste span) wen vir Grey Kollege
• Bloemfontein tydens die Engeland-toer. Krieket (eerste span) wen die Noordvaal Toernooi.

Netbal

Netbal (eerste span) wen Hoërskool Menlopark (weg) oortuigend met vier doele tydens die Interskole.

Rugby

Rugby (eerste- en o.15A-spanne) word as wenners van die SDC Noordvaal Toernooi gekroon. Rugby word as algehele wenners van die SDC Noordvaal Beker-afdeling aangewys. Ses van Hoërskool Garsfontein se eerstespanspelers word vir die SDC “Dream Team” gekies. Die o/15 A 7’s-span wen die SDC Noordvaal Toernooi te Hoërskool Nylstroom.

Bergfiets

Bergfiets eindig algeheel 10de uit 126 skole tydens die Nasionale Kampioenskappe.

Jukskei

• Vir die eerste keer in die skool se geskiedenis eindig al ses Jukskei-spanne onder die topdrie skole in die Gauteng-Noord liga. Hoërskool Garsfontein eindig algeheel tweede in die Gauteng-Noord liga.
• Die o. 16A-span (Seuns) word as naaswenners van die Direkteurs trofee aangewys.

Perdesport

Perdesport eindig algeheel derde tydens SANESA se Nasionale Kampioenskappe.

 Skaak

Skaak kwalifiseer vir die eerste keer in die skool se geskiedenis met al die spanne vir die D4uitspele.

Hoërskool Garsfontein word as die tweede beste “Co-ed” sportskool in Suid-Afrika aangewys (beste in Gauteng).