Op Maandag, 18 Maart, het die gróót tradisie van die jaarlikse Ermelo Hoërskool-groentjies plaasgevind.Die kompetisie tussen Huis Veltman, Nelstehuis en Huis Adriani het in goeie gees plaasgevind, ten spyte van die liefde en toewyding van elke leerder vir hul afsonderlike huis. Dit is die graad 12’s se verantwoordelikheid om in ’n week se tyd vir die graad 8’s ’n konsert te skryf en af te rig, dekor te bou, kostuums te maak, danse uit te werk en af te rig, klank en beligting te hanteer en ’n suksesvolle produksie op die planke te bring.

Die temas word aan die graad 12’s gegee waarvolgens hul die konsert moet skryf. Hierdie jaar se temas was: toegewydheid, advertensie vir skakel tot ketting, ’n nuusberig, Dricus du Plessis + Po (Kung Fu Panda) = 110% en ’n graad 8-groepdans. Daarmee saam is die huise se graad 9 tot 11’s deel van die huisdans, onder leiding van die verskeie huise se dirigente. Hierdie groepe beeld elk ’n self verkose tema uit en die optogte en danse sorg altyd vir hope opwinding.

Die uitslae is as volg:

Algehele wenners: Huis Veltman

• Beste konsert: Huis Veltman
• Beste huisdans:  Nestehuis
• Beste dirigente inkoms: Nelstehuis
• Beste hulpdirigente: Huis Veltman
• Tema beste uitgebeeld (Skakel tot ketting): Huis Veltman
• Beste advertensie: Huis Veltman
• Beste kostuums: Nelstehuis
• Beste dekor: Nelstehuis
• Beste groentjiesdans in konsert: Huis Veltman
• Beste humor in storie: Huis Veltman
• Beste nuusberig: Huis Veltman
• Beste storieverteller: Huis Veltman
• Beste akteur: Johanco Griesel  (Huis Veltman)
• Beste aktrise: Julie Uys (Nelstehuis)
• Beste gebruik van verrassingselement: Huis Adriani
• Meriete Toekenning: Connor Erasmus (Huis Veltman)

Baie geluk aan elke huis met hul kreatiewe konserte, danse en dirigente. Die moeite, harde werk en toewyding wat elkeen ingesit het, getuig van ware Errie-gees.

Adriani se dirigente as “Disney Villains”

Nelstehuis se dirigente as “Brandweer”

Huis Veltman se dirigente as “Boksvegters”

Al die huise se dirigente

(vlnr): Anathi Mtawali, Michelle van der Merwe en Anele Dladla (Adriani)

Kaeleigh Botes, Zanneske de Beer, Marchelle de Beer, Imvelo Mathebula (Adriani)

Werné Engelbrecht (Adriani

Ineke Theron, Marchelle de Beer en Michelle van der Merwe (Adriani)

Connor Erasmus (Huis Veltman)

Keagan Low (agter) en Trompie van den Heever (voor) (Huis Veltman)

vlnr): Floors Boshoff, Janu van Biljon, Deandré Diedericks (Huis Veltman)

Hardus Lourens (Huis Veltman)

(vlnr): Julie Uys, Carla Burgers, Lindy Lombard, Kara McKenzie (Nelstehuis)

Carla Burgers, Lindy Lombard, Kara McKenzie en Julie Uys (Nelstehuis)

Lané Coetzer en Lizé van der Merwe (Nelstehuis)

Liané Cilliers, Kelly Gericke (Nelstehuis)