Op 9 Maart het van die Errie-atlete aan die Mumalanga Atletiek Kampioenskap deelgeneem te Secunda. Die atlete vaar uitstekend:

• Tyrone Berning (o.19) eindig tweede in 400m hekkies en derde in hoogspring.
• Kryn Romijn (o.17) eindig eerste in die 400m.
• Luan Greyling (o.16) eindig eerste in die 800m.
• Mnqobi Mabuza (o.15) eindig eerste in die 1500m.

 Al vier hierdie seuns kwalifiseer om vir al hul items aan die ASA (Atletiek Suid-Afrika) -kampioenskap te gaan deelneem. By die dogters is die uitslae net so goed:

• Mia Davel (o.19) eindig eerste in hoogspring.
• Elizma Swart (o.17) eindig tweede in gewigstoot.
• Esmari Kloppers (o.17) eindig eerste in 3000m.
• Aletha Kloppers (o.15) eindig eerste in 3000m.
• Janseke Jansen van Rensburg (o.15) eindig eerste in die 800m.
• Quinet Swart (o.15) eindig vierde in die 90m hekkies, vyfde in die 300m hekkies en sesde in verspring.

Mia Davel, Elizma Swart en Aletha Kloppers kwalifiseer om aan die ASA (Atletiek Suid-Afrika) -kampioenskap te gaan deelneem. Dié vind plaas vanaf 21 tot 23 Maart in Pretoria. Janeska Jansen van Rensburg en Aletha Kloppers gaan aan die SA-skole se kampioenskap deelneem. Ten spyte van slegs tien atlete wat deelgeneem het, het die Erries sewe eerste plekke, twee tweede plekke en een derde plek ingepalm. Baie geluk aan elke atleet met die uitsonderlike prestasie om provinsiale kleure te kry. EHS sien met afwagting uit na elkeen se uitslae tydens die komende kampioenskap. Baie sterkte!

Atlete wat gekies is vir ASA
(Voor vlnr): Mnqobi Mabuza, Aletha Kloppers, Luan Greyling
(Agter vlnr): Tyrone Berning, Mia Davel, Elizma Swart, Kryn Romijn