Die Hoërskool Wonderboom 2023 prysuitdeling wenners.

Dux leerder Jonathan Rossouw:

Die Albert Morland trofee vir beste prestasie op Kultuur Gebied 2023. Die trofee word jaarliks toegeken aan die seun of dogter in enige graad, wat die beste prestasie op Kultuurgebied behaal het. Neem asseblief kennis dat Veelsydigheid die meeste gewig dra en sterk beklemtoon word. Esrie Venter leerder ontvang die trofee vir die volgende veelsydige deelname en prestasies:

• Beeldende Kuns:Sy lewer kunswerke tydens die AKV Kunswedstryd, die Wonnie Kaleidoskoop asook die Centurion Kunswedstryd waar sy ‘n A+ verwerf.
• Redenaars: Sy neem deel aan Wonnie Kaleidoskoop, AKV Kunswedstryd, Radikale Redenaars, Oppi-Tong Af en ATKV Redenaars. Tydens die Centurion Kunswedstryd word sy aangewys as die afdelingswenner. Tydens die Kansvatter Redenaars dring sy deur na die semi-finaal. Tydens Artistatue Redenaars eindig sy in die 6de plek tydens die Nasionale Finaal.
• Public Speaking: Tydens die Wonnie Kaleidoskoop is sy die algehele wenner van die kategorie. Sy neem aan die AKV Kunswedstryd se Public Speaking deel. Tydens die Centurion Kunswedstryd word sy as afdelingswenner vir Public Speaking aangewys en sy ontvang die trofee vir “ Best Public Speaker Highschools”.
• Voordrag/Drama: Sy neem deel aan onvoorbereide lees tydens die Centurion en AKV Kunswedstryde waar sy ‘n A++ simbool ontvang. Sy doen ook ‘n monoloog tydens die Centurion Kunswedstryd en Wonnie Kaleidoskoop. Sy neem aan die produksie NOSTALGIE deel wat in die Unisa Kleinteater deur Wonnie Drama aangebied is.
• Fotografie: Sy neem aan die afdeling Fotografie tydens die Wonnie Kaleidoskoop deel sowel as die Centurion Kunswedstryd waar sy ‘n A+ simbool ontvang.
• Skryfwerk: Tydens Wonnie Kaleidoskoop neem sy aan Afrikaanse en Engelse skryfwerk deel en sy ontvang ‘n A++ .
• Vokaal: Sy is deel van die Skoolkoor wat aan die AKV Kunswedstryd, waar die koor ‘n Goue Medalje ontvang en die Tshwane Youth Arts Festival waar die koor in die Staatsteater optree. Tydens die Centurion Kunswedstryd ontvang sy ‘n A+ simbool vir Sang en tydens die Wonnie Musiekblyspel vertolk sy die rol van Mother Gothel in Tangled.
• Ander: En asof al dié reeds genoemde deelname nie genoeg verskeidenheid en prestasie is nie, neem sy tydens die Wonnie Kaleidoskoop ook deel aan die afdeling Koekversiering waar sy ‘n A++ simbool ontvang.

Jan Cloete trofee vir Sportman Van Die Jaar 2023. Hierdie toekenning is die hoogste sport toekenning wat aan ‘n seun in enige graad gemaak word, wat die Veelsydigste Sportprestasie behaal het. Dit sluit alle sportsoorte Binne Skoolverband in en deelname en prestasie word in aggeneem. Jonathan Rossouw neem aan die volgende sportsoorte deel:

• Atletiek: Hy is lid van die Interhoërspan en verwerf Halfkleure vir Atletiek. Hy ontvang ‘n brons medalje vir Hoogspring seuns 0.19.
• Krieket: Hy speel vir die 2de krieketspan en die span wen 4 uit hul 6 wedstryde.
• Tennis:  Hy speel vir die Eerste Tennisspan en is die Kaptein van die span wat as Ligawenners uit die stryd tree. Hy verwerf Halfkleure vir Tennis en ontvang die trofee vir die Beste Seuns Tennisspeler van 2023.
• Tafeltennis: Hy speel vir die Eerste tafeltennisspan en is ook die Kaptein van die span. Hy verwerf Erekleure vir Tafeltennis en ontvang die trofee vir die Beste Senior Tafeltennisspeler van 2023.
• Jukskei: Hy speel in die Eerste span en is die kaptein van die span.Hy verwerf Erekleure vir Jukskei en ontvang die trofee vir Beste Seuns Jukskeispeler 2023. Hy verteenwoordig Gauteng Noord by die Bondedag  en word gekies vir die SA span verkies.
• E-sport:    Alhoewel hy nie hierdie sport nie self beoefen nie, en dit dus nie vir hom punte op die Sportman tabel kan inbring nie, noem ons dit om sy betrokkenheid te bevestig. Hy tree by alle Ligawedstryde as Tegniese beampte op.

Jonathan Rossouw

Die Corlia Ludick trofee vir die Sportvrou Van Die Jaar 2023. Hierdie toekenning is die hoogste sport toekenning wat aan ‘n dogter in enige graad gemaak word, wat die Veelsydigste Sportprestasie behaal het. Dit sluit alle sportsoorte Binne Skoolverband in en deelname en prestasie word in aggeneem. Zandi Pretorius neem aan die volgende sportsoorte deel:

• Swem:  Sy is lid van die Interhoër Swemspan en ontvang Halfkleure vir Swem.
• Hokkie:  Sy speel vir die Eerste Hokkiespan en is ook die Kapteine van dieDolfyne. Onder haar leiding eindig die span 2de in die liga en hulle dring deur na die Kleinskole Noordvaal. Sy ontvang ook Erekleure vir Hokkie en die trofee vir die Beste Senior Hokkiespeelster.
• .Sagtebal: Sy speel vir die Eerste Sagtebalspan en ontvang Halfkleure. Die span kwalifiseer vir die uitspele en verwerf ‘n Silwer medalje by die uitspele..
• Krieket: Sy is lid van die Eerste Meisies Krieketspan.

Zandi Pretorius