Uitblinker Prestasie: Meliné Delport Kwalifiseer as Graad 12 DUX van 2023
In ‘n wonderlike prestasie het Meliné Delport van Hoërskool Volksrust die hoë eer behaal om aangewys te word as die Graad 12 DUX vir die jaar 2023. Delport, ‘n toegewyde en pligsgetroue leerder, het haar akademiese uitmuntendheid beklink deur al haar vakke met onderskeiding te slaag.
Met ‘n indrukwekkende gemiddeld van 91.14%, illustreer Delport se uitslae haar uitnemende beheersing van verskeie vakgebiede. Haar indrukwekkende uitslae sluit in Afrikaans Huistaal (88), Engels Eerste Addisionele Taal (92), Wiskunde (94), Lewensoriëntering (93), Rekenaartoepassingstegnologie (93), Lewenswetenskappe (91), en Fisiese Wetenskap (87).
Delport se prestasies is nie net beperk tot die akademiese sfeer nie. Sy is ‘n lid van die Verteenwoordigende Leerlingraad sedert 2020 en het haar taak met entoesiasme en selfdissipline vervul. Haar leierseienskappe het haar ook die posisie van hoofdogter van die Uitvoerende Raad van Hoërskool Volksrust besorg vir die 2022/2023 ampstermyn.

Hierdie talentvolle jong dame het vanaf graad 8 die eerste plek op die Top 10 behaal en het akademiese erekleure ontvang sedert 2019. Sy is erken vir haar uitstaande prestasies in vakke soos Afrikaans Huistaal, Lewensoriëntering, Wiskunde, Rekenaartoepassingstegnologie, Lewenswetenskappe, Fisiese Wetenskap, en Engels Eerste Addisionele Taal tydens die skool se meriete-aand.
Haar skoolgetuigskrif beklemtoon haar toegewydheid, pligsgetrouheid, en konsensieuse aard. Haar innemende geaardheid, standvastige persoonlikheid en sterk morele karakter maak van haar ‘n uitstaande kandidaat vir haar gekose studierigting, B Com Rekenkundige Wetenskappe.
Die personeel en medeleerders van Hoërskool Volksrust wens Meliné Delport die allerbeste toe in haar verdere studies by Pretoria Universiteit en ook haar toekomstige loopbaan.