Op 10 en 13 Mei het Hoërskool Ermelo te staan gekom teen Hoërskool Piet Retief in ’n FNB Classic Clashes-stryd. Hierdie wedstryde het deel uitgemaak van die liga. Op 10 Mei het die seunshokkie afgeslaan. Die o.16-span het eerste gespeel en het die wedstryd oortuigend met 6 – 0 gewen.  Die doelskieters is Stiaan van den Heever (2), Paul Snyman, SS Cilliers, Nicolas Steyn en Victor Burgers.  Die Hoërskool Ermelo TWK Eerstespan Seunshokkie het na ’n harde stryd met 2 – 0 gewen.  Die doelskieters is Adam Barnard en JF Möller. Saterdag, 13 Mei was dit die dogtershokkie-, netbal- en rugby-spanne se beurt om teen Piet Retief te speel. Ten spyte van gemenge welslae, het die Erries aanhou veg en goeie sportmangees getoon.

Die netbal se uitslae is as volg:

• o.14A-span: verloor 12 – 17
• o.14B-span: verloor 3 – 6
• o.15A-span: verloor 13 – 14
• o.15B-span: verloor 6 – 8
• o.16A-span: verloor 13 – 23
• Tweedespan: wen 12 – 7

Hoërskool Ermelo KS Clothing eerstespan netbal: wen 23 – 10

Mariska van Biljon

Die dogtershokkie vaar uitstekend met die volgende tellings:

• o.14A-span: verloor 0 – 1
• o.15A-span: wen 5 – 0
• o.16A-span: wen 9 – 0
• Tweedespan:wen 6 – 0

Hoërskool Ermelo KS Clothing eerstespan dogtershokkie: wen 4 – 0

Zané du Plessis

Die rugbytellings is as volg:

• o.14A-span: verloor 0 – 61
• o.14B-span: verloor 0 – 45
• o.15A-span: verloor 12 – 14
• o.15B-span: wen 14 – 7
• o.16A-span: verloor 12 – 26
• o.16B-span: verloor 9 – 15
• Tweedespan: verloor 8 – 29

Hoërskool Ermelo TWK eerstespan rugby: wen 20 – 7. Die skaak het ook op Saterdag gespeel en EHS verloor naelskraap met sewe spelle teenoor agt. Baie geluk aan elke span wat presteer het, asook aan dié wat ware Errie-gees getoon het. EHS is trots op elke helper, ondersteuner en speler!

Louis Roulliard