Laerskool Rustenburg boogskiet presteer by RHS! Larries boogskiet het Saterdag, 7 Mei aan die RHS interskole boogskietkompetisie by Hoërskool Rustenburg deelgeneem.  Ons Larrieskuts het hul mooi van hul taak gekwyt en pragtig presteer in die primêre afdeling. Die eerstespan het met die eerste plek weggestap in die primêre afdeling met ʼn telling van 3087 uit 3600 en is aangewys as RHS interskole primêre kampioene vir 2022.  Ons Larries boogskietspan het weer pragtig presteer en ons baie trots gemaak.

Larries se seunsskuts het 4 en dogterskuts het 5 uit die beste 10 plekke ingeneem.  Skuts wat baie goed presteer het, was Jan-Hendrik Rudolph (eerste plek onder die primêre seunskuts met ‘n telling van 274 uit 300), Elnandré Richter (tweede plek onder die primêre dogterskuts met ʼn telling van 269 uit 300) en Danika Weitsz (derde plek onder die primêre dogterskuts met ‘n telling van 265 uit 300). Ons is sommer baie trots op AL die lede van ons boogskietspanne wat ons naam so hoog hou!

2 de Ry: Dehan van Aswegen, Melandie Swart, Danika Weitsz, Jan-Hendrik Rudolph,
Nathan Strydom, Elnandré Richter.
1 ste Ry: Bernise Homan, Jeaden Rose, Cameron Engelbrecht, Hannes Bothma, Paisley Thurley, Stefan Flemming.

Danika Weitsz en Elnandré Richter

Jan-Hendrik Rudolph