Agt skaakspelers van Laer Volkskool het op 6 September 2022 deelgeneem aan die Montego Cares Chess Tournament wat in die Botanies se saal gehou is. Skole wat in die Laerskole toernooi meegeding het, is die Union skole, Laer Volkskool, Kroonvale Primêr, Graaff- Reinet Primêr, Ryneveldpark en Narsingstraat. Laer Volkskool se skaakspelers het uitstekend gevaar. Hulle het in beide die A-Liga en die B-Liga vir laerskole as die wenspanne uit die stryd getree en die spanpryse verower. Die volgende leerlinge het ook onder die eerste drie spelers geëindig en pryse gewen.

Steven Alberts ding mee in die B-Liga en verower uit 24 spelers ‘n puik 3de plek.

In die A-Liga, ook uit 24 spelers, wen Michyle Mostert ‘n prys vir 2de plek en PJ van Veijeren vir 3de plek.

Baie geluk aan al die Laer Volkskool spelers met jul puik prestasies!

A Liga: Wenspan – Laer Volkskool

1. Johan Viljoen
2. Divan Erasmus
3. Tiaan Erasmus
4. Steven Alberts

B Liga: Wenspan – Laer Volkskool

1. Jeandré Theron
2. Michyle Mostert
3. PJ van Veijeren
4. Jevan Arends

Voor: PJ van Veijeren, Jevan Arends, Steven Alberts, Tiaan Erasmus.
Agter: Johan Viljoen, Divan Erasmus, Jeandré Theron, Michyle Mostert.