Hoërskool Witteberg se produksie, Donkermaan, het groot lof ontvang by die ATKV-Tienertoneel Bloemfontein Streeksfees wat op 9 en 10 Augustus 2024 in Bloemfontein plaasgevind het. Die produksie het in die top drie van die streeksfinaal geëindig.

Benoeming en Toekennings: Die regisseurs van Donkermaan, Ronelle en Jené van Heerden, is benoem as die Beste Regisseurs van die Week. Die tegniese span is ook erken vir hul goeie tegniese hantering, en die ensemble het as ‘n eenheid uitgestaan, wat gesamentlik as Beste Ensemble benoem is.

Goue-Toekennings:Die produksie het ‘n goue toekenning ontvang. Jené en Ronelle van Heerden, as regisseurs, het gesamentlik goud verwerf vir hul puik werk. Die ensemble bestaande uit Milan de Villiers, Jani de Bruin, Mignon Thomas, Henke Minnaar, Cara Cilliers, en Simuné de Villiers, het ook goud ontvang vir hul samewerking en uitvoering op die verhoog. Verder is Dirk Willemse vir sy uitstekende beligtingsontwerp beloon, en die tegniese span, bestaande uit Gerhard Nel, Hylet Ungerer, en Suné Hills, het erkenning gekry vir hul verhoog tegniese vaardighede. Illne Myburgh het goud ontvang vir haar rol as verhoogbestuurder.

Silwer-Toekennings: Silwer is toegeken aan Milan de Villiers, Mignon Thomas, Henke Minnaar, en Jani de Bruin vir hul individuele spel. Dirk Willemse is weer vereer, hierdie keer as klankoperateur. Die span wat verantwoordelik was vir stelinkleding, bestaande uit Suné Hills, Hylet Ungerer en Gerhard Nel, het ook silwer verwerf, terwyl Suné Hills en Hylet Ungerer silwer ontvang het vir hul stelontwerp.

Brons-Toekennings: Laastens is brons toegeken aan Chabeli Rathulo vir sy werk as klankoperateur en klankontwerper. Die sukses van Donkermaan by die ATKV-Tienertoneel Bloemfontein Streeksfees is ‘n trotse oomblik vir Witteberg aangesien hier met groot name gekompeteer word.

Foto: Donkermaan in aksie. Vlnr. Mignon Thomas, Simuné de Villiers, Jani de Bruin, Milan de Villiers, Cara Cilliers en Henke Minnaar op die grond.