Hoërskool Witteberg se uitstaande 2025-matriekuitslae is amptelik erken tydens die Departement van Onderwys se “Well Done Function” wat op Vrydag, 20 Februarie, aangebied is. Die skool het weereens sy posisie as een van die voorste akademiese instellings in die streek bevestig.

• Witteberg spog met die beste Baccalaureus-persentasie vir graadstudies in Bethlehem en Thabo Mofutsanyana-distrik, met ’n indrukwekkende gemiddeld van 83,7%, en ’n algemene matriekslaagsyfer van 99,3%.
• Aangesien Hoërskool Witteberg nie die grootste matriekgroep in die 2025 NSS-eksamen gehad het nie, het die skool volgens die Departement van Onderwys se kriteria, nie vir die Top Stedelike Skool in die Thabo Mofutsanyana-distrik gekwalifiseer nie.
• Witteberg het ook die meeste vakonderskeidings en onderskeidingsgemiddeld per leerder behaal met ’n totaal van 204 onderskeidings, 1,5 onderskeidings per leerder vir die 141 leerders.
• Op distriksvlak is Hoërskool Witteberg aangewys as die beste stedelike skool in die Thabo Mofutsanyana-distrik vir Wiskunde en Rekenaartoepassingstegnologie. In Fisiese Wetenskappe is die skool onder die top vyf presteerders in die distrik met die hoogste vakgemiddeld.
• Akademiese uitnemendheid is verder weerspieël deur 14 vakke met ’n 100%-slaagsyfer.
• Beste in die distrik is Wiskunde, Rekenaartoepassingstegnologie, Afrikaans Eerste Addisionele Taal en Engels Huistaal

Tydens die geleentheid is ’n groot aantal onderwysers vereer vir hul toewyding, uiters harde werk en hul waardevolle bydrae tot die skool se NSS-eksamenprestasie.Hoërskool Witteberg spreek sy dankbaarheid uit teenoor die personeel en leerders vir hul volgehoue samewerking en ondersteuning, asook vir ouers wat vertroue het in die onderrig en begeleiding van u kinders. Die skool bly verbind tot akademiese uitnemendheid en is dankbaar om steeds as dié toonaangewende akademiese instelling beskou te word.

Foto: Voor van links; Me. Ronelle van Heerden, Me. Melincke Maartens, Me. Lindi Rheeder, Mnr. Janco Els, Mnr. Waldo Snyman, Mnr. Mike Visser, Me. Lize-Marie Olivier, Me. Jannelie Swart, Me. Louise Nel, Me. Annelie BredenkampAgter van links; Me. Olga du Toit, Me. Pula van Niekerk, Mnr. Riaan Swart, Mnr. Jannie van Rensburg, Me. Heliz-Mari Wiggett, Me. France Elize van Niekerk, Me. Lenka Claassen, Me. Inge du Toit, Me. Anne-Marie de Jongh en Me. Elicia Visagie