Hoërskool Vredendal leerders presteer uitstekend. Hoërskool Vredendal het op Donderdag, 20 Oktober hulle jaarlikse prysuitdeling gehou, die eerste tradisionele prysuitdeling sedert die pandemie.

Tydens die aand is verskeie uitstaande prestasies beloon en was dit duidelik dat die Covid-leerders hulle nie maklik sal laat onderkry nie. Ook op die sportveld het die leerders ‘n behoorlike terugkeer gemaak na die sportveld en was daar ook skitterende prestasies. Sekerlik een van die hoogtepunte was die aankondiging van ons Junior-sportvrou van die jaar. Die besluit was maklik aangesien Chris- Mari Nel ‘n driedubbele Suid-Afrikaanse atletiekkampioen is. Ander sportuitblinkers was Oloff le Roux, junior sportman, Yani Cloete, senior sportvrou en Khyle Machelm, senior sportman.

Chris-MAri Nel

Oloff le Roux

Khyle Machelm

Yani Cloete

Ook die wenners van die junior –en seniorkultuurtoekennings was maklike keuses. San- Mari Turner, junior-wenner, presteer op nasionale vlak in sang en is ook volgende jaar op pad Los Angeles toe vir deelname aan ‘n internasionale sangkompetisie ,terwyl die senior-wenner, Cise-Leigh Januarie , op byna elke kultuurgebied briljante uitslae behaal.

San – Mari Turner

Cise-Leigh Januarie

Op akademiese gebied het die leerders uitstekend presteer en is daar vanaf graad 8 tot graad 12 46           vol- erekleure toekennings vir akademie gemaak, ‘n bewys van die baie hoë akademies standaard wat in die skool gehandhaaf word. Die skool se hoogste akademiese prys, die van Dux-leerder vir prestasies in graad 11 en 12 , is vanjaar aan die hoofdogter, Anchen Fouché , toegeken ,wat ‘n gemiddelde persentasie van 91.64%   oor die twee jaar gehandhaaf het. Hiermee het sy die gesogte Old Mutual Trofee en ‘n stewige kontanbedrag ontvang.

Anchen Fouché

Laastens natuurlik was die aankondiging van die nuwe hoofleiers van 2023. Casey Engelbrecht is as hoofdogter en Eduard Kellermann as hoofseun aangewys.

Eduard Kellerman en Casey Engelbrecht

Die skool wil ook langs hierdie weg weerens  hulle gelukwense aan elke leerder en ouer en hulle dank vir al die borgskappe oordra. Hoërskool Vredendal is beslis ‘n skool waarop die gemeenskap trots kan wees.