Rudy Delport vertel: In 1998 het ek by hierdie massiewe skool ingestap sonder om ‘n enkele persoon te ken en in 2002 het ek matriek verlaat met vriendskapsbande wat tot vandag toe nog sterk staan. Mnr. van Niekerk se voogklas was altyd ’n hoogtepunt en Juffrou Cairns se Skeinat-klas het nooit teleurgestel nie. Ek mis beslis ons vriendekring en dit is ‘n feit dat ons almal die snoepie se “chip rolls” nooit sal vergeet nie. Na skool het ek my NDip in Elektriese Ingenieurswese deur PE College voltooi en ek werk al die afgelope 18 jaar vir Life Healthcare en is tans die Streeks Projek Bestuurder vir die Wes-Kaap, Oos-Kaap en KZN. Ek beoog om hierdie jaar met my MBA te begin. Ek was bevoorreg om Framesby in rugby en krieket te verteenwoordig en was deel van die heel eerste 0.16-rugbyspan wat deur Johnny Vermeulen afgerig was. Ek het die eer gehad om kaptein van die 2de span te wees, maar dit was altyd die grootste voorreg om die geleentheid te kry om die Bloktrui oor my kop te trek.

Na skool het ek Union krieketklub vir meer as 10 jaar verteenwoordig en het ’n passie vir binnehuise krieket ontwikkel waar ek die Oostelike Provinsie Ope Manspan verteenwoordig het en ook in 2015 vir die Suid-Afrikaanse Ope Manspan gekies is. Ek het ook op die OP se binnehuise krieketraad vir 15 jaar gedien en dit is ook waar ek my vrou, Annelie, ontmoet het. Ons is in 2011 getroud en ons het 2 kinders, Reynard en Kylie wat hierdie jaar Graad 1 en 4 onderskeidelik by Lorraine Laerskool aanpak. Soos ons ouer, word daag ons onsself meer en meer uit (dink ons probeer onsself oorreed dat ons nie oud raak nie). So het die driekamp gogga my en my vrou gebyt en die oefentyd is ons manier van tyd saam spandeer en ontspan. Mag Framesby voortbou aan sy uitstekende reputasie van sport, akademie en kultuur. Dit was n eer, en dit was 5 jaar wat n groot deel vorm van wie en wat ek vandag is.