Hoërskool Eldoraigne is werklik trots op die Matriekklas van 2024. Hul matriekuitslae is weereens `n bewys dat dit `n skool is van uitnemende onderrig, puik personeel en toegewyde leerders. Die akademiese filosofie van die skool is dat elke leerder ten volle toegerus, en met ‘n toekomsverwagting moet matrikuleer. Ons het ‘n 100% slaagsyfer! 260 uit 276 leerders slaag met universiteitsvrystelling en 15 kan na skool vir ‘n diploma gaan studeer. Die Eldo-gemeenskap hou die matriekklas van 2024 ywerig dop om te sien hoe hul aanhou om hul merk in die toekoms te maak. Die leerders verwerf 482 onderskeidings, 1.7 per kandidaat en 498 onderskeidings indien Alpha Wiskunde bygevoeg word, wat bereken op 1.8 per kandidaat.

Hoërskool Eldoraigne het ‘n wye verskeidenheid van akademiese, tegniese en spesialisvakke wat
aangebied word, en is besonders trots daarop dat 18 van die 21 vakke `n 100% slaagsyfer behaal het. Van die hoofvakke wat ‘n 100% slaagsyfer behaal het, is Afrikaans HT, Engels FAL, Wiskunde,
Wiskundige Geletterdheid, Rekeningkunde, Geografie, Besigheidstudies en Ekonomie. Sewe vakke behaal `n gemiddeld bo 70%, met `n uitsonderlike prestasie van Visuele Kunste wat `n gemiddeld van
80% behaal het. Een leerder, Rolan Kruger, verwerf 8 onderskeidings (+ Alpha Wiskunde). Verder verwerf 14 leerders 7 onderskeidings, 13 leerders 6 onderskeidings, 16 leerders 5 onderskeidings en 18 leerders 4
onderskeidings. Die Top 6 leerders behaal `n gemiddeld van bo 90%. Ashleigh Harvey, 2024 se Dux-leerder, behaal `n ongelooflike 94.71% gemiddeld met uitstaande prestasies in Afrikaans (96%), Wiskunde (96%) en Fisiese Wetenskappe (96%).

Harde werk oor die afgelope vyf jaar deur die leerders en die Eldo-personeel het vrugte afgewerp. Akademie bly die skool se eerste prioriteit, maar by die Eldo’s word gebalanseerde leerders, soos bewys deur ons top-presteerders wat op alle terreine `n bydrae in die skool gemaak het, gekweek. Ons deel ook met groot trots dat Hoërskool Eldoraigne eerste eindig in ons distrik en sewende in Gauteng. Ons spog met die derde hoogste Universiteitstoelating in Gauteng, met 94.2%. In die GDO se verslag is ons vierde in Gauteng, wanneer dit volgens Slaagsyfer, Onderskeidings en Universiteitsvrystelling bereken word. Ons beklee die sewende plek in Gauteng, wanneer die statistiek uitgewerk word op Onderskeidings, Universiteitsvrystelling en Slaagsyfer. Baie geluk aan die Matriekklas van 2024. Julle het voorwaar elkeen Hoërskool Eldoraigne se naam hóóg gehou! Om deel te raak van hierdie besonderse skool waar leerders bemagtig word om hulle roeping te ontdek, ontwikkel en doelgerig te vervul, gaan besoek gerus Hoërskool Eldoraigne se opedag, wat 21 Mei 2025 plaasvind.

Rolan Kruger 8 Onderskeidings – 86,71%

Ashleigh Harvey 7 Onderskeidings – 94,71%

Nicola Dyason 7 Onderskeidings – 92,71%

Markus vd Watt 7 Distinctions

Megan Muller 7 Distinctions – 91,29%

Keagan Kruger 7 Distinctions – 91,14%

Jaco Fourie 7 Onderskeidings – 90,57%

Elizabeth Champion 7 Onderskeidings – 89,86%

Sunelle Kruger 7 Onderskeidings – 89,86%

Anzel vd Westhuizen 7 Onderskeidings – 88,57%

Ryno Gredelinghuys 7 Onderskeidings – 88,41%

Zander Engels 7 Onderskeidings – 88,00%

Wianca Weyers 7 Onderskeidings – 87,00%

Ewan vd Walt 7 Onderskeidings – 86,86%

Daniël Steyn 7 Onderskeidings – 86,71

Riley Muller 7 Onderskeidings – 88,86%

Ian Bosch 7 Onderskeidings – 87,1%

Jasmine Bezuidenhout 7 Onderskeidings – 86,71%

Kade Poonasamy 7 Onderskeidings – 86,14%

Christiaan Potgieter 5 Onderskeidings – 86,29%