Dis altyd lekker om met die Framesby familie te gesels. Ons gesels met Rivaldo Du Plessis: Ek het in 2022 gematrikuleer en het die volgende jaar elke oomblik van my tyd by die skool gemis. Dis snaaks, want my tyd op skool wou ek so gou as moontlik klaarmaak om deel te wees van die “grootmenslewe.” Al my vriende en herinneringe in klaskamers en pouses wat gemaak was, onderwysers met wie ek oor enige iets kon praat en die skool as ‘n geheel is n plek wat ek altyd sal onthou. n Plek waar ek baie oor myself geleer het oor die jare. Die heel beste was definitief die liefde wat ek gevoel het tydens interaksies met ander leerlinge. Daardie gevoel wat ek gekry het as ek iemand se glimlag gesien het na ‘n handdruk of drukkie, sal vir altyd in my hart bly.

Die voorbereiding vir interhuis as deel van die Krit-komitee (beste huis), krieketwedstryde en rugbyoefeninge, en my tyd wat ek deel was van die monitorbestuur, is beslis my hoogtepunte by Hoërskool Framesby. Meneer en Mejuffrou Framesby natuurlik ook. Ek is in my tweede jaar op Varsity College, besig met my BCOM Business Management-graad en deel van. die Sosiale Komitee. Die tye wat ek nie besig is met studies nie, gebruik ek om te oefen. Dit gee
my n kans om alles te balanseer en om my kop skoon te kry.

My gesondheid is iets wat ek baie ernstig opneem, want ek glo nog altyd as jy goed voel en lyk, gee dit jou die selfvertroue om jou doelwitte te voltooi en om beter te wees as wat jy gister was. En ja, ek bly nog by my ouers. Ek dink my ma wil nog haar jongste by die huis hou. Vandag waardeer ek alles wat my ouers vir my doen en hulle is een van die grootste redes hoekom elke dag hard werk om die groot drome wat ek vir myself het, te bereik. Tot volgende keer.