Kom ondersteun die rugbyspanne Saterdag 17 Augustus: AWSUM het met hul afrigter Corné Uys, gesels.

Wat kan die skool en ouers hierdie jaar te wagte wees van julle span? Dit is ‘n span wat met baie trots die skool sal verteenwoordig. `n Span met ‘n besonderse spangees wat baie vir mekaar speel, ‘n span met ‘n baie hoë werksetiek en ‘n span wat hoop om te inspireer deur nederig te bly en `n voorbeeld te probeer stel.

Hoe is die samestelling van julle span vir die Interskole? Enige beserings? Ons is ongelooflik trots op ons vyf SA-spelers. Hulle bou voort op die nalatenskap van Paul Roos Gimnasium en dien as inspirasie vir baie. Daar sal ook altyd een of twee beserings wees en dit is net belangrik om aanpasbaar te wees. Beste wat ons kan doen is om as ‘n groep die skool en span eerste te stel.

Waar sou jy sê lê julle krag hierdie jaar? Dit is ‘n baie selfstandige groep seuns. Daar is goeie leiers in die span wat verantwoordelikheid vat. Die span weet hoe om as ‘n span saam te speel. Hulle ondersteun mekaar goed en stel hoë standaarde in oefeninge en weet waar hulle sterkpunte lê.

In jou opinie, wat is die eienskappe van `n goeie rugbyspeler? Dit is ‘n baie goeie vraag en nie een wat maklik geantwoord word nie omdat daar soveel faktore is wat ‘n rol speel, veral in ‘n skool omgewing. Die beste wat ek dit kan probeer opsom is dat ‘n goeie rugbyspeler:

1. `n Goeie mens is. ‘n Speler wat ook omgee oor die span en spanmaats se behoeftes en wat eerlik en vriendelik kommunikeer.

2. `n Hoë werksverrigting het, op die oefenveld, in die gimnasium, baie video analises doen, wat sy “recovery” ernstig opneem, en sy aftyd gebruik om ekstra aandag aan sy vaardighede te gee.

3. Maak minder foute in sy vaardighede, vang, pass en duikslae en in sy posisie. Om minder foute te maak, moet hy sy rol baie goed ken en wat van hom verwag word.

4.Het iets wat hom uniek maak. Iets waarin hy uitstaan bo die ander en na die span toe bring.

Wat is jou filosofie as `n afrigter? Ek glo in ‘n holistiese, gelukkige en positiewe omgewing waar die vaardigheid van die speler op die afrigter reflekteer en die toewyding wat die speler bring, op die speler reflekteer. Ek wil graag `n omgewing skep wat die beste uit elke speler bring en vir die individu geleentheid gee om sy potensiaal te bereik.

Is daar enige afrigters waarna jy opkyk? Ek was bevoorreg genoeg om gedurende my speelloopbaan deur baie afrigters beїnvloed te word, veral op ‘n jong ouderdom by die WP toe Rassie en Jacques daar was. Ek het nog altyd passie vir verdediging gehad en het daar baie geleer. Dit wat Brendan Venter by Saracens gedoen het en die kultuur wat hy daar geskep het, het `n groot indruk om my gemaak. Toe ek begin het by SAS het ek by Chris Rossouw baie geleer, veral oor die metodiek van afrigting. Maar van almal het Jacques Hanekom die grootste invloed om my  loopbaan gehad en is iemand na wie ek opkyk.

o.19 A

Altus Rabé

Henry du Plessis

Truspé Schoeman

Charl Holwill

Oliver Reid (k)

Malan Erasmus

Gert Kemp

Christian Kolbe

Liam de Silva

Joshua Dampies

Matthew Kleyn

Samuel Badenhorst

Ian Smith

Divan Lambrecht

Keenan Stoffels

Lees die spesiale koerantuitgawe vir die naweek aanlyn of kry joune by die skool! Klik hier: