Op die AWSUM rusbank met Hoërskool Hoogenhout, Bethal se hoofseun: Hanroux Prins

Baie geluk met jou verkiesing as hoofleier by jou skool. Waarna sien jy die meeste uit tydens jou tydperk as leier by jou skool? Ek sien daarna uit om hierdie geleentheid te gebruik om baie te leer uit al die uitdagings wat vir ons voorlê. Ek sien ongelooflik baie uit daarna om saam met die LK van 2022 te werk, ek dink ons gaan ‘n wenspan wees. 

Wat sou jy sê is jou sterk- en swakpunte?  Een van my sterkpunte is kommunikasie. Ek kan konflik goed hanteer en probleme oplos, behalwe as dit wiskunde probleme is.

Een van my swakpunte is om vir ‘n lang tydperk aan een te sit en konsentreer, veral as dit kom by die wiskunde klas

Is daar enige iets wat jy graag sou verander by jou skool? Ek dink ons skool is perfek net soos wat hy is.

Wat geniet jy die meeste van jou skool? Ek geniet dit vreeslik baie om ‘n dag voor ons sport het die Bulala kreet te skree. Daar was nog nie eenkeer wat ek nie hoendervleis gekry het nie.  Dit is ‘n absolute belewenis.

Matriek is jou laaste jaar- van ‘n akademiese oogpunt, wat sal jy graag wil bereik? Ek probeer elke jaar om beter te doen as die vorige een. My mikpunt vir 2022 is om alles wat ek doen, te doen tot die beste van my vermoë en tot eer en verheerliking van ons Hemelse Vader.

Enige boodskap van aanmoediging vir jou mede-leiers? Moenie dat vrees jou drome doodmaak nie. Streef volheid na jou doelwitte. As jou doelwitte jou nie bangmaak nie, dan droom jy nie groot genoeg nie.

Wie is jou rolmodel? Jarod Anthony Higgins – profesioneel bekend as Juice wrld.  Hy was ‘n Amerikaanse rapper, sanger en liedjie skrywer van Chicago Illinois.  Hy is ongelukkig in 2011 oorlede.  Sy musiek leef voort en hy het baie jongmense geinspireer deur sy positiewe houding oor die lewe en sy musiek.

Wat is jou planne vir na skool? Ek wil baie graag my ambag as Dieselwerktuigkundige behaal en dan wil ek in Amerika by John Deere aansluit. Ek wil ook eendag oorsee bly.

As jy ‘n super-hero kon wees, wie sou dit wees en waarom? As ek ‘n superhero kon wees sou dit Spider Man gewees het.  Hy wil net die beste vir sy gemeenskap en sy medemens hê, daarom sal hy enigiets doen om hulle te beskerm.  En hy het ‘n baie ‘cool’ suit.

Op ‘n normale Saterdag, sal ons jou kry by… saam met.… my meisie en haar ouers en dan sal ons ‘n vleisie op die vuur gooi.  Daar is niks beter om te doen op ‘n Saterdag as om te braai saam met die mense wat vir jou die meeste beteken in die lewe nie.

Kies een:

• Netbal, rugby, krieket of hokkie? Rugby

• Cappuccino, warm sjokolade of tee? Cappuccino

• Braai saam met vriende of ‘n wegneemete? Braai saam met vriende

• Vir ure lank jou gunsteling TV-reeks kyk of ‘n musiekfees bywoon? Vir ure lank my gunsteling tv-reeks kyk

• Andriod of iOS? iOS